«13 лютага 2011 года ў адпаведнасці з палажэннем дагавора (паміж „Укртранснафтай“ і ЗАТ „Беларуская нафтавая кампанія“) пачата перапампоўванне нафты ў напрамкупрыёма-здатачнага пункту ўліку энерганосьбітаў „Мазыр“ (Беларусь)», — гаворыцца на сайце «Укртранснафты».
Як падкрэсліваецца ў паведамленні, «Укртранснафта» пачала практычную рэалізацыю дамоўленасцяў, дасягнутых з беларускім бокам на міжурадавым узроўні і на ўзроўні гаспадарчых суб’ектаў па транспарціроўцы нафты па тэрыторыі Украіны ў Беларусь з выкарыстаннем нафтаправода Адэса — Броды і адной з дзвюх нітак нафтаправода «Дружба».
Такім чынам, Украіна пачала ажыццяўляць рэгулярныя пастаўкі каспійскай нафты па нафтаправодзе Адэса — Броды ў аверсным рэжыме.
Як паведамлялася раней, 29 студзеня гэтага года ў порт Южны (Адэская вобласць Украіны) прыбыў першы танкер з азербайджанскай нафтай дэдвэйтам каля 81 тыс. тон.
Паводле інфармацыі ўкраінскай кампаніі, 11 лютага ў марскім нафтавым тэрмінале «Піўдэнны» (Адэская вобласць) быў прыняты другі танкер з азербайджанскай нафтай дэдвэйтам 85 тысяч тон, які быў разгружаны 12 лютага.
Прыём чарговага танкера з азербайджанскай нафтай для яе наступнай транспарціроўкі па названым маршруце чакаецца 14 лютага.
Пастаўкі нафты з Азербайджана будуць ажыццяўляцца на падставе дамоўленасцяў паміж ЗАТ «Беларуская нафтавая кампанія», Дзяржаўнай нафтавай кампаніяй Азербайджана (SOCAR) і Венесуэлай. Азербайджанская нафта будзе замяшчаць венесуэльскую ў рамках
Дагавор на прапампоўванне нафты з выкарыстаннем нафтаправода Адэса — Броды быў заключаны паміж ЗАТ «Беларуская нафтавая кампанія» і ААТ «Укртранснафта» 17 студзеня 2011 года ў Кіеве тэрмінам на два гады з наступнай яго пралангацыяй па пагадненні бакоў. У адпаведнасці з дагаворам, нафтатранспартнай сістэмай Украіны прадугледжана гарантаваная транспарціроўка 4 млн. тон лёгкай нафты штогод з выкарыстаннем нафтаправода Адэса — Броды да беларускага нафтаперапрацоўчага завода ў Мазыры, паведаміла Мінпаліўэнерга Украіны.
Андрэй Кажамякін, БелаПАН.
Беларусы сустракаюць вызваленых палітвязняў у Вільні ФОТЫ і ВІДЭА2
Каментары