Рымашэўскі пра пошліны на аўто: праблему вырашаць толькі свабодныя выбары
Як апазіцыя адрэагуе на пераход расійскія мыты пры ўвозе аўтамабіляў?
Як апазіцыя адрэагуе на рашэнне ўладаў перайсці на расійскія мыты пры ўвозе аўтамабіляў?
Пасля падзей 19 снежня і рэакцыі на іх расійскіх уладаў, увядзення мытаў трэба было чакаць, кажа экс-кандыдат у прэзідэнты ад хрысціянскіх дэмакратаў Віталь Рымашэўскі. Ён упэўнены, што гэта ўдарыць па дабрабыце простых беларусаў, асабліва ўлічваючы рост цэнаў на прадукты і камуналку. «Мы і раней выступалі супраць падвышэння мытаў на аўто. Але цяпер, я лічу, не час распыляцца на прыватнасці. Бо падвышэнне мытаў — гэта ўсяго толькі адзін з вынікаў дзейнасці ўладаў. Галоўная праблема ў тым, што простыя людзі не маюць ніякага ўплыву на дзеянні ўладаў. Наша задача патлумачыць гэта людзям і дамагацца правядзення свабодных выбараў, каб змяніць сітуацыю, сістэму ў цэлым», — гаворыць В. Рымашэўскі.
Год таму Партыя БНФ ініцыявала рэферэндум па пытанні павышэння мытаў на аўто. Аднак Цэнтрвыбаркам адмовіў у рэгістрацыі ініцыятыўнай групы, заявіўшы, што пытанне, якое планавалі вынесці на рэферэндум, не прадугледжвае адназначнага адказу. Як паведаміў «Нашай Ніве» намеснік старшыні партыі БНФ Ігар Лялькоў, партыя і цяпер не застанецца ў баку ад праблемы. «Пачнём з інфармавання насельніцтва. Раскажам людзям пра тое, што іх чакае, пра сваю леташнюю ініцыятыву. Не выключаем і таго, што будзем збіраць подпісы».
Намеснік кіраўніка Руху за Свабоду Юрась Губарэвіч нагадаў, што Беларусь не мае нацыянальных вытворцаў аўтамабіляў, інтарэсы якіх можна абараніць увядзеннем загараджальных пошлінаў. Ён паўтарыў думку Рымашэўскага пра негатыўныя наступствы такога рашэння, улічваючы рост цэнаў і змяншэнне рэальных даходаў насельніцтва. Непрадуманая эканамічная палітыка ўладаў ставіць пад удар дабрабыт беларусаў, а адмова ад супрацы з Еўрасаюзам, унутраныя праблемы, фактычна заганяюць Беларусь у сферу эканамічных інтарэсаў Расіі, кажа Губарэвіч. Рух за Свабоду самастойна, альбо ў супрацы з БНФ і іншымі зацікаўленымі сіламі, будзе інфармаваць грамадзянаў аб сапраўдных прычынах падвышэння коштаў на аўто і аб альтэрнатыўных варыянтах рашэння гэтай праблемы.
Літоўскі вясковы падворак на мяжы з Беларуссю выглядае, як аўтасалон па продажы прэміяльных аўто ВІДЭА1
Каментары