Устаноўчы зьезд Саюзу левых партый пройдзе 17 сьнежня ў Чарнігаве.
17 сьнежня ў Чарнігаве пройдзе ўстаноўчы зьезд Саюзу левых партый
Пра гэта "Белорусскому партизану" паведаміў лідэр Партыі камуністаў беларускай Сяргей Калякін. У гэту структуру павінны ўвайсьці прадстаўнікі трох палітычных партый – ПКБ, Беларускай сацыял-дэмакратычнай партыі (Грамада) і Беларускай партыі жанчын "Надзея".
Першапачаткова аб’яднаўчае мерапрыемства плянавалася правесьці ў ДК Менскага трактарнага заводу. Але арганізатарам у апошні момант было адмоўлена ў арэндзе памяшканьня. "Паводле нашай інфармацыі, гэта рашэньне прымалася ў галоўным ідэалягічным упраўленьні Адміністрацыі прэзыдэнта, таму мы вырашылі дарэмна не губляць час у пошуках новай залі, а правесьці ўстаноўчы сход на тэрыторыі Украіны", – заявіў С.Калякін "Белорусскому партизану".
Плянавалася, што ў зьезьдзе возмуць удзел 600 дэлегатаў: па 250 ад ПКБ і БСДП (Грамада) і 100 – ад Партыі жанчын. Тры партыі аб’яднаюцца на сацыял-дэмакратычнай плятформе. Лідэры будучага саюзу мяркуюць, што гэта кансалідацыя ня пойўдзе на шкоду сёньняшняй кааліцыі дэмакратычных сіл.
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў18
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары