Пра гэта БелаПАН паведаміў адказны сакратар управы Партыі БНФ праваабаронца Ўладзімір Лабковіч.
Ён нагадаў, што 17 лютага партыя атрымала чарговы ліст ад ЖРЭА Савецкага раёна Мінска з папярэджаннем пра тое, што 31 сакавіка 2011 года завяршаецца тэрмін арэнды памяшкання па праспекце Машэрава, 8, і новая дамова складзена не будзе. Прычынай такога рашэння ў лісце названа неналежнае выкананне ўмоў арэнды, няўчасная выплата арэнднай платы.
Лабковіч адзначыў, што ўвечары 28 сакавіка ён аплаціў дзяржаўную мыту і адправіў заяву ў Мінскі гаспадарчы суд з патрабаваннем адмяніць гэта рашэнне. Па яго словах, дамова арэнды памяшкання выконваецца, і запазычанасцяў па аплаце няма.
Аналагічная пазоўная заява 29 сакавіка будзе пададзена ад Мінскай абласной і Мінскай гарадской арганізацый Партыі БНФ.
Каментары