У Асіповічах рабочы ўпаў разам з дахам, на дэмантажы якога працаваў
У Асіповічах падчас дэмантажу даху аварыйнага будынка на тэрыторыі завода атрымаў цяжкія траўмы рабочы. Інцыдэнт адбыўся 24 лютага, паведамляе Следчы камітэт.
Падчас работ па разборцы канструкцыі дах абрынуўся разам з мужчынам, які знаходзіўся на ім. Паводле папярэдняй інфармацыі, у момант здарэння зваршчык адбойным малатком ачышчаў мантажныя петлі пліты ад бетону.
У выніку абрушэння мужчына ўпаў з вышыні каля трох метраў на металічнае пакрыццё падлогі. Калегі выклікалі хуткую дапамогу, пацярпелага шпіталізавалі ў цяжкім стане.
Каментары