Кіроўца ўратаваў жыццё сваім родным, прышпіліўшы ўсіх рамянямі бяспекі
Пад Гродна невядомы пратараніў спадарожнае аўто і ўцёк.
Пад Гродна невядомы пратараніў спадарожнае аўто і ўцёк.
3 красавіка ў Гродзенскім раёне каля вёскі Квасоўка невядомы міні-вэн пратараніў спадарожнае аўто. «Пежо» ад удару змяніла траекторыю, апынулася ў кювеце і ўпала на дах. У выніку перакульвання атрымаў траўмы і змешчаны ў бальніцу падлетак, сын кіроўцы. Наступствы гэтай аварыі маглі быць значна больш цяжкімі. Нашчасце, усе чацвёра знаходзіліся ў салоне «Пежо» (кіроўца, яго жонка і двое сыноў), нават на задніх сядзеннях, былі прышпіленыя рамянямі бяспекі.
Вінаваты ў ДТЗ пакуль не вядомы, аднак у супрацоўнікаў міліцыі дастаткова інфармацыі, якая дапаможа высветліць яго асобу. Па словах відавочцаў, гэта малады чалавек са светлымі валасамі. Падчас замены кола пасля здзяйснення ДТЗ яго бачыла праз акно адна з жыхарак вёскі Агароднікі. Ён быў у чырвонай куртцы і кіраваў аўтамабілем падобным на «Фольксваген-шаран», ці «Форд-Гэлаксі» або на які-небудзь іншы мінівэн цёмна-сіняга альбо чорнага колеру. Пасля сутыкнення ў гэтага аўтамабіля пашкоджаная пярэдняя частка.
Дзяржаўтаінспекцыя заклікае віноўніка ДТЗ не пагаршаць сваё становішча і прызнацца ў здзейсненым. А таксама просіць відавочцаў здарэння, якія валодаюць любой інфармацыяй пра кіроўцу, яго аўтамабіль, абставіны аварыі, патэлефанаваць у ДАІ па тэлефоне 8-0152-79-75-05 або па 102.
-
Беларус фатальна пазнаёміўся ў інтэрнэце з дзяўчынай. Ужо завязваліся адносіны — як раптам кавалер страціў $28 тысяч
-
У Мастах п'яныя мужыкі стралялі з кватэры з пнеўматыкі. І трапілі ў суседскі «Опель»
-
Мінскі прадпрымальнік пазычыў у знаёмых 55 тысяч рублёў на бізнэс — і прайграў усё ў анлайн-казіно
Цяпер чытаюць
У Чэхіі малады беларус трапіў у кому — наглытаўся таблетак праз праблемы з легалізацыяй і разрыў з дзяўчынай24
Каментары