У пералік таксама ўключаны полівітамінныя комплексы, спіртавыя настойкі, вазелін і вата.
У банкі разасланы пералік кодаў ТН ЗЭД, якія могуць ўключацца ў заяўкі на набыццё валюты на біржы для імпарту медыкаментаў.
У адпаведнасці з лістом, тэкст якога мае агенцтва «Інтэрфакс-Захад», у пералік уключаны 83 пазіцыі кодаў ТН ЗЭД. Такім чынам, валюта для імпарту адпаведных тавараў медыцынскага прызначэння можа набывацца на таргах Беларускай валютна-фондавай біржы ў першачарговым парадку.
У пералік увайшлі фармацэўтычныя субстанцыі, гатовыя медпрэпараты, расходныя матэрыялы для фармацэўтычнай прамысловасці і аховы здароўя, медыцынская тэхніка і запчасткі да яе. У прыватнасці, у пералік уключаныя полівітамінныя комплексы, спіртавыя настойкі, вазелін, прэзерватывы, ветпрэпараты, вата.
Як паведамлялася, НББ з 1 красавіка кантралюе продаж замежнай валюты на біржы па афіцыйным курсе ў межах прапановы ў выглядзе абавязковага продажу часткі валютнай выручкі. Валюта прадаецца імпарцёрам на біржы зыходзячы з наступных прыярытэтаў: медыкаменты, газ, валютныя крэдыты.
З даты ўступлення ў сілу дадзенага парадку тэрмін «медыкаменты» не расшыфроўваецца, што выклікала праблемы ў беларускіх фармпрадпрыемстваў, якія былі пазбаўленыя магчымасці набыць па афіцыйным курсе замежную валюту для імпарту субстанцый і расходных матэрыялаў для ўласнай вытворчасці ва ўмовах фіксаваных рознічных коштаў на лекавыя сродкі.
НББ, са свайго боку, выказваў заклапочанасць рэзкім ростам біржавога попыту на валюту для імпарту медыкаментаў, падазраючы махінацыі ў частцы свядомага нарошчвання складоў імпартных медпрэпаратаў. У сувязі з гэтым 5-6 мая НББ прыпыніў продаж валюты на біржы для імпарту медыкаментаў, маючы намер разабрацца ў сітуацыі. Следствам гэтага аналізу стаў падрыхтаваны ўрадам пералік кодаў ТН ЗЭД, на якія распаўсюджваецца ільготны парадак набыцця валюты на біржы на фоне рэзкага зніжэння курсу беларускага рубля на пазабіржавым рынку, дзе абменны курс перавышае Br5 тыс./$1 супраць крыху больш за Br3 тыс./$1 на біржы.
Цяпер чытаюць
Анжаліку Мельнікаву бачылі ў Мінску ў «Дана Моле»43
Каментары