«Гэта патрабуе шмат фінансавых выдаткаў», — скардзіцца кіраўніцтва ДАІ.
Ва ўпраўленні Дзяржаўнай аўтамабільнай інспекцыі Міністэрства ўнутраных спраў лічаць «немэтазгоднай» выдачу беларускамоўных пасведчанняў аб рэгістрацыі транспартнага сродку. Пра гэта гаворыцца ў адказе начальніка ўпраўлення Юрыя Літвіна на ліст старшыні ГА «Таварыства беларускай мовы імя Францішка Скарыны» Алега Трусава.
Матывуючы сваю адмову, Літвін спасылаецца на тое, што
«для арганізацыі выдачы ў масавым парадку пасведчанняў аб рэгістрацыі транспартных сродкаў на беларускай мове неабходна правесці мадэрнізацыю ўсяго праграмнага забеспячэння, што патрабуе значных фінансавых выдаткаў».
«На сённяшні дзень гэта немэтазгодна, паколькі назіраюцца толькі адзінкавыя выпадкі зваротаў грамадзян з просьбай аб выдачы пасведчанняў аб рэгістрацыі на беларускай мове», — адзначаецца ў адказе. Разам з тым Літвін запэўніў, што «пры падрыхтоўцы чарговага тэхнічнага задання на дапрацоўку наяўнага праграмнага забеспячэння Дзяржаўтаінспекцыяй будуць унесены прапановы аб неабходнасці рэалізацыі магчымасці аўтаматычнага запаўнення пасведчання аб рэгістрацыі транспартнага сродку на беларускай мове».
Наконт просьбы Трусава аб выданні Правіл дарожнага рухупа-беларуску Літвін паведаміў, што «апублікаванне нарматыўнага прававога акту на іншых мовах дапускаецца толькі пры наяўнасці яго афіцыйнага перакладу на адпаведную мову, зацверджанага адпаведным дзяржаўным органам (службовай асобай) у парадку, устаноўленым для прыняцця (выдання) гэтага акта».
Як адзначыў у інтэрв`ю БелаПАН Трусаў, адказ дзяржаўнага службоўцы сведчыць аб тым, што «ніхто з чыноўнікаў не збіраецца выконваць палажэнні славутага рэферэндуму 1995 года аб роўнасці дзвюх дзяржаўных моў — беларускай і рускай». «Таму нашы намаганні і надалей будуць накіраваны на тое, каб гэтыя палажэнні выконваліся. Вось чаму ТБМ будзе змагацца за выданне беларускамоўных Правіл дарожнага руху», — сказаў Трусаў.
Разам з тым ён прапанаваў грамадзянам краіны актыўней звяртацца ва ўпраўленне ДАІ па пытанні выдачы пасведчання аб рэгістрацыі транспартнага сродку
Цяпер чытаюць
Закінутую сядзібу Багдановічаў пераробяць у буціковы гатэль ФОТЫ7
Каментары