«Нічога ім не кажыце!» — раіць юрыст.
Пасля публічных заяваў Аляксандра Лукашэнкі аб тым, што на беларускіх прадпрыемствах і ва ўстановах трэба павялічваць працоўную дысцыпліну, у краіне зафіксаваны першыя аблавы.Кантралёры блакуюць людзей у крамах пасярод белага дня і патрабуюць тлумачэнняў, чаму тыя знаходзяцца не на працоўным месцы.
Што рабіць, калі вы выйшлі купіць соку ў ЦУМ, а вас злавілі людзі ў цывільным?
«Нічога ім не кажыце! Маўчыце і ўсё! Нават рэстаран у працоўны час — гэта не правапарушэнне. За такое трэба даваць тлумачэнні толькі свайму наймальніку», —раіць юрыст і праваабаронца Гары Паганяйла. Ён таксама дадае, што падобная дзейнасць разнастайных кантралёраў і праваахоўных органаў — парушэнне заканадаўства.
«Ніхто не адмяняў свабоду перамяшчэння і права на асабістае жыццё. А сачыць за працоўнай дысцыплінай павінна адміністрацыя прадпрыемства, сам працадаўца, а ніяк не міліцыя.Не адказвайце на пытанні, спасылайцеся на Канстытуцыю, пішыце скаргі на іх дзеянні — яны незаконныя. Гэта ўсё ініцыятыва на месцах. Лукашэнка сказаў, і яны пачалі дзейнічаць. Любы пук гаспадара краіны ўспрымаюць літаральна. Вось калі ён выдасць адпаведны указ, тады можна будзе яго разглядаць на адпаведнасць заканадаўству краіны», — гаворыць Г. Паганяйла.
Праваабаронца таксама дадае, што падобныя дзеянні ўладаў ніяк не павысяць іх папулярнасць у вачах беларусаў: «Улада сёння сябе паводзіць неадэкватна. Гэта, магчыма, нават добра. Людзі хутчэй зразумеюць, з кім маюць справу».
-
Статкевіч: Для Беларусі можа стварыцца такая сітуацыя, што ўсе дзяржавы вакол нас будуць мець ядзерную зброю
-
Стаўка большая, чым жыццё: што азначае ліст Зяленскага Пуціну
-
Палітвязень Кім Самусенка параўнаў свет на моманты яго пасадкі і вызвалення: Усё нядрэнна для еўрапейскай цывілізацыі, а значыць, і для беларусаў
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары