Пасля нядаўняй гібелі знакамітага гарбатага кіта па мянушцы Цімі каля дацкага вострава Анхольт ягоныя парэшткі былі накіраваны на перапрацоўку на прадпрыемства ў горадзе Ранерс у Даніі, паведамляе Euronews.
Вада, якая змяшчалася ў тушы жывёлы, цяпер праходзіць ачыстку і скідаецца ў суседні фіёрд. Тлушч выкарыстоўваецца для вытворчасці біядызеля. Косці, сухажыллі і скуру перапрацоўваюць у дробную масу, якая затым выкарыстоўваецца як біяпаліва. Частка костак, у тым ліку таз і канечнасці, перададзеныя ў калекцыю Музея натуральнай гісторыі ў Капенгагене.
Гэтага кіта ўпершыню пабачылі 3 сакавіка на пясчанай водмелі каля ўзбярэжжа Германіі ў Балтыйскім моры. Жывёла была заблытаная ў рыбалоўных сетках. Пасля вызвалення кіт яшчэ некалькі разоў выкідаўся на бераг, нягледзячы на спробы яму дапамагчы.
Пазней група валанцёраў на спецыяльным судне перавезла яго ў бок Паўночнага мора і 2 мая выпусціла на глыбокай вадзе. Аднак праз 13 дзён кіта знайшлі мёртвым каля вострава Анхольт.
Падчас ускрыцця тушы, дарэчы, высветлілася, што Цімі, нягледзячы на мужчынскае імя — не самец, а самка. Пры гэтым яна не была цяжарнай.
Унутраныя органы жывёлы ўтрымлівалі паразітаў, але спецыялісты адзначылі, што гэта звычайная з'ява і не магла стаць прычынай смерці. У кішэчніку знайшлі рэшткі рыбалоўнай сеткі, якія маглі выклікаць дыскамфорт і праблемы са здароўем.
Дакладная прычына смерці жывёліны пакуль не ўстаноўленая. Частка органаў моцна пацярпела ад раскладання яшчэ да пачатку даследаванняў, а вынікаў некаторых аналізаў давядзецца чакаць некалькі месяцаў.
Навукоўцы таксама разглядаюць магчымасць таго, што транспартаванне і выпуск кіта ў адкрытае мора маглі паўплываць на яго стан. Разам з тым даследчыкі спадзяюцца атрымаць дадатковую інфармацыю з даных трэкера, які быў замацаваны на жывёле перад выпускам.
Спецыялісты папярэдзілі пра рызыку выбуху тушы кіта Цімі каля датскага вострава. Ён проста можа лопнуць
Мёртвы кіт, знойдзены каля ўзбярэжжа Даніі — сапраўды шматпакутны Цімі
У Даніі знайшлі мёртвага кіта. Гэта можа быць выратаваны два тыдні таму каля берагоў Германіі Цімі
Гарбаты кіт Цімі жывы і нарэшце кіруецца ў Паўночнае мора. Аперацыя па яго выратаванні цягнулася два месяцы
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект23
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары