«Пэўнае непаразуменне». У Ціханоўскай абверглі інфармацыю, што вызваленні палітвязняў «адкладзеныя на некаторы час»
Інфармацыя пра тое, што вызваленні палітвязняў «адкладзеныя на некаторы час» па ініцыятыве амерыканскага боку, не адпавядае рэчаіснасці. Пра гэта ў каментары выданню «Люстэрка» заявіў дыпламатычны дарадца Святланы Ціханоўскай Дзяніс Кучынскі.
«Мы падтрымліваем пастаянны кантакт з нашымі амерыканскімі партнёрамі, на мінулым тыдні я гаварыў з Белым домам і Дзярждэпартаментам, а ўчора камунікаваў са спадаром Коўлам. Магу пацвердзіць, што амерыканская адміністрацыя не спыняе сваёй працы ў пытанні вызвалення беларускіх палітвязняў. Амерыканскі гуманітарна-дыпламатычны трэк працягваецца і не спыняўся», — заявіў Кучынскі.
Ён дадаў, што, як і ў мінулыя разы, гэта не самыя простыя перамовы, таму такі працэс заўсёды займае час. Так было падчас папярэдніх вызваленняў, гэта нармальная частка працэсу.
«Што да апошніх каментароў, то тут, відаць, адбылося пэўнае непаразуменне ў інтэрпрэтацыі. Насамрэч Святлана Ціханоўская мела на ўвазе камунікацыю адносна тэарэтычнага візіту спадара Коўла ў Мінск у траўні. Гаворка ішла не пра агульны перамоўны трэк па вызваленні палітвязняў і яго будучыню, а пра тэарэтычны візіт праз два-тры тыдні, пра які спадар Коўл казаў пасля вызвалення Андрэя Пачобута. Аднак пазней ён паведаміў, што паводле ягонага рашэння ён не паехаў. Таму той візіт быў сфакусаваны на працы Франкліна Грэма, які змог наведаць Беларусь і звярнуцца да беларусаў са сваёй гаміліяй», — сказаў Кучынскі.
Дарадца Ціханоўскай яшчэ раз падкрэсліў, што працэс вызвалення палітвязняў працягваецца, амерыканскі гуманітарна-дыпламатычны трэк працуе, і амерыканская адміністрацыя працягвае ўдзельнічаць у гэтых працэсах.
«Мы вельмі ўдзячныя нашым амерыканскім партнёрам за іх паслядоўную працу і падтрымку ў гэтым надзвычай важным пытанні», — дадаў Кучынскі.
Раней агенцтва Reuters паведаміла, што лідарка беларускіх дэмсіл Святлана Ціханоўская заўважыла ім у каментары, што далейшыя вызваленні зняволеных «адкладзеныя на некаторы час». Такую інфармацыю Ціханоўская нібыта атрымала ад адміністрацыі прэзідэнта ЗША Дональда Трампа.
ЗША паведамілі, што вызваленне палітвязняў у Беларусі «адкладзенае на некаторы час»
Вячорка: Калі Еўропа пачне здаваць перад Лукашэнкам, гэта аслабіць амерыканскія пазіцыі
Джон Коўл патлумачыў, чаму не паехаў у Мінск разам з прапаведнікам Грэмам
«Мы яшчэ не скончылі. Не страчвайце надзеі!» Джон Коўл адрэагаваў на словы Ціханоўскай пра 800 палітвязняў у Беларусі
Цяпер чытаюць
Адпачынак для бясстрашных і беспрынцыповых: што цяпер з турамі з Беларусі ў Крым?8
Каментары
І вядома што офіс прыклаў да гэтага намаганні сваей перыядычнай крытыкай амерыканскага боку.