Зборная Беларусі па футболе згуляла ўнічыю са зборнай Буркіна-Фасо ў таварыскім матчы, які адбыўся 9 чэрвеня на Нацыянальным футбольным стадыёне ў Мінску. Сустрэча завяршылася з лікам 2:2.
У першым тайме крыху больш актыўна выглядалі госці, якія стварылі некалькі небяспечных момантаў. Аднак пасля перапынку беларуская каманда здолела перахапіць ініцыятыву.
На 56‑й хвіліне лік адкрыў Уладзіслаў Малькевіч. Праз адзінаццаць хвілін перавагу гаспадароў павялічыў Карэн Варданян. Здавалася, што перамога ўжо ў кішэні, аднак зборная Буркіна-Фасо здолела пераламіць ход гульні. На 73‑й хвіліне адзін мяч адыграў Маіз Кабарэ, а на 85‑й хвіліне Эдмон Тапсаба зраўняў лік.
Прытым усё магло б скончыцца і горш: у канцы сустрэчы брамнік беларускай зборнай Павел Паўлючэнка некалькі разоў выратаваў каманду пасля небяспечных атак саперніка.
Гэты матч, які наведалі 15 875 гледачоў, быў першым пад кіраўніцтвам галоўнага трэнера Віктара Ганчарэнкі, у якім беларуская зборная не здолела перамагчы. Да гэтага каманда выйграла ў зборных Кіпра (1:0), Арменіі (2:1) і Сірыі (4:1).
Наступныя афіцыйныя матчы зборная Беларусі правядзе восенню ўжо ў рамках Лігі нацый. 26 верасня беларусы сустрэнуцца са зборнай Албаніі, а 29 верасня — са зборнай Фінляндыі.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
[Зрэдагавана]