Міліцыя затрымала падазраванага ў тым, што дашкольнікі на Міншчыне атруціліся
З ім праводзяцца следчыя дзеянні.
«Падазраваны затрыманы супрацоўнікамі міліцыі ў рамках крымінальнай справы па ч. 1 арт. 336 Крымінальнага кодэкса Беларусі. З ім праводзяцца следчыя дзеянні. Вызначаюцца іншыя пацярпелыя. Прадукцыя адклікана і канфіскавана з мэтай недапушчэння яе далейшай рэалізацыі. Прызначаны шэраг экспертыз», — гаворыцца ў паведамленні СК.
Прычынай атручэння назвалі парушэнні санітарна-эпідэміялагічных норм, дапушчаныя работнікам падчас вытворчасці малочнай прадукцыі.
«У ходзе праверачных мерапрыемстваў таксама ўстаноўлена, што падобныя парушэнні не з’яўляюцца сістэмнымі і не носяць масавы характар. Іншых падобных парушэнняў не зафіксавана», — заявілі ў СК.
Нагадаем, што на мінулым тыдні, 2 і 3 чэрвеня, у Барысаўскую бальніцу звярнулася 30 дзяцей з млоснасцю і ванітамі з 11 садкоў. Да пятніцы ўсе дзеці былі выпісаныя.
Яшчэ 13 дзяцей пацярпелі ў іншых населеных пунктах Мінскай вобласці.
У панядзелак Мінздароўя паведаміла, што прычынай атручвання стаў кісламалочны напой «Біфідзін» вытворчасці ТАА «Біямолпрам». Лабараторныя даследаванні пацвердзілі, што напой не адпавядае патрабаванням мікрабіялагічнай бяспекі. Работа прадпрыемства была прыпыненая.
Цяпер чытаюць
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі21
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4949
Каментары
Остальные выдохнули....