Відэа ў інтэрнэце: у мінскае метро можна бесперашкодна трапіць ноччу
У інтэрнэце з’явіўся відэаролік, на якім бачна, як група маладых людзей гуляе па станцыі «Маскоўскай» а 4-й раніцы.
У інтэрнэце з’явіўся відэаролік, на якім бачна, як група маладых людзей бесперашкодна гуляе па «Маскоўскай» а 4-й раніцы.
Aolyellowman — псеўданім карыстальніка сайта YouTube, які дазваляе бясплатна размяшчаць відэаролікі ў інтэрнэце, піша сайт «Беларускія навіны». 28 мая ён апублікаваў на сайце відэаролік, наглядна дэманструе ўразлівасць Мінскага метрапалітэна для патэнцыйных тэрарыстаў у начны час.
На відэа відаць, як група маладых, мяркуючы па ўсім — не зусім цвярозых людзей пранікае на станцыю праз звычайны ўваход. «Калі яны нас зловяць, я скажу: “Вы білі людзей на плошчы?”, — кажа адзін з маладых людзей, перш чым увайсці ў метро. На станцыі цёмна, але бачныя электронныя гадзіннікі над шляхамі. Час на гадзінах — 3.49.
Чуваць, як адзін з удзельнікаў «уварвання» прамаўляе: «Станцыя “Маскоўская”, чатыры гадзіны ночы, нават не зачынілі дзверы. Можна любы тэракт, б ... дзь, зрабіць».
Мяркуючы па кадрах, у начным «налёце» на метро ўдзельнічалі 3 чалавекі.
Тлумачальны подпіс пад відэа на сайце YouTube абвяшчае: «гэта п ... ц! ды ну н ... х)))) мы зайшлі і выйшлі з метро “ўсё!!! заклалі і выйшлі” жартаў дзеля, але тым не менш, рабіце высновы самі)))) Я падыходзіў да 3-х мянтоў і яны сказалі што прымуць меры !!!!! і ўсё — прыкіньце!!! калі сапраўды проста хацелася выпіць а тут такое — огоггоогоого)».
Калі пракрасціся ў метро пасля яго закрыцця без складанасцяў можа любы пацан, то лагічна выказаць здагадку, што тым больш гэта будзе пад сілу падрыхтаваным тэрарыстам і любому іншаму зламысніку.
Падобна на тое, што кіраўніцтва метрапалітэна і праваахоўныя органы Беларусі не зрабілі ніякіх высноваў з тэракту на станцыі «Кастрычніцкая», які адбыўся 11 красавіка і забраў жыцці 15 чалавек, робіць выснову аўтар «Беларускіх навінаў».
Глядзі яшчэ: Інтэрв’ю аўтара відэа ў метро.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары