Багданкевіч на гэтую прапанову адказаў адмоўна.
Кіраўнік урада Міхаіл Мясніковіч сустрэўся з былым кіраўніком Нацбанка, прафесарам эканомікі і відным дзеячом апазіцыі Станіславам Багданкевічам. Мясніковіч прапаноўваў Багданкевічу супрацоўніцтва на афіцыйнай аснове. А таксама прасіў ідэй, як змагацца з крызісам.
Багданкевіч ад супрацоўніцтва адмовіўся. Ён прапанаваў прыцягваць маладзейшых спецыялістаў. У той жа час Багданкевіч выказаў свае бачанні шляхоў выхаду з крызісу: вызначаць курс рубля на біржы, прасіць у МВФ крэдыт 8 мільярдаў даляраў, спыніць палітычныя рэпрэсіі і ціск на СМІ і ўвогуле — мяняць імідж краіны.
Мясніковіч, у сваю чаргу, пазнаёміў прафесара Багданкевіча з планам дзеяння ўрада. Як расказвае Багданкевіч, нейкіх кардынальных захадаў не прадугледжваецца.
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?20
Каментары