Бацька Змітра Дашкевіча хадайнічае аб пераводзе сына ў бліжэйшую калонію
Вячаслаў Дашкевіч разам з Настай Палажанкай наведалі ДВП з мэтай прасіць аб пераводзе Змітра Дашкевіча ў іншую калонію.
Прычынай сталася не толькі інфармацыя аб тым, што выпраўленчая калонія № 9 мае адну з самых кепскіх характарыстык па зносінах і парадках унутры яе, але і тое, што Вячаслаў Дашкевіч — інвалід другой групы, мае пратэз нагі, застаўся адзін і ехаць яму на спатканні больш за 400 км абсалютна немагчыма.
Гэта складана як з фінансавага пункту гледжання так і з фізічнага.
Ніякага адказу бацьку палітвязня не далі, фармальна папрасіўшы скласці афіцыйную заяву на перавод. А адказ паабяцалі даслаць поштай цягам двух тыдняў.
Вячаслаў Дашкевіч вельмі спадзяецца, што адміністрацыя ДВП зробіць добрую справу ды пойдзе насустрач старому чалавеку, дарэчы, у свой час — ганароваму донару СССР.
«Будзем чакаць», — з сумам кажа Вячаслаў Дашкевіч.
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве37
Каментары