Следчы аддзел пракуратуры Віцебскай вобласці распачаў справу па факце забойства (ч. 1 арт. 139 КК), якое адбылося 7 жніўня на тэрыторыі Свята-Траецкага Маркава манастыра.
Як паведаміў следчы пракуратуры Віцебскай вобласці (па Віцебску) Артур Судзілоўскі, ахвярай злачынства стаў 55-гадовы пастаялец прытулку для бяздомных пры манастыры. Мужчына жыў тут і дапамагаў па гаспадарцы каля трох месяцаў. Падазроны, 48-гадовы раней судзімы за замах на забойства, — таксама жыў у прытулку і дапамагаў па гаспадарцы, але нядаўна знайшоў сабе новае прыстанішча, куды вырашыў перабрацца.
Мужчыны даўно адчувалі адзін да аднаго непрыязнасць.
7 жніўня падазроны ў стане моцнага алкагольнага ап'янення прыйшоў у прытулак, каб сабраць свае рэчы. У гэты момант і адбылася сварка, якая закончылася забойствам. Злачынца нанёс ахвяры адзін удар нажом у грудзі. Міліцыю выклікалі пастаяльцы прытулку, якія прысутнічалі пры сварцы.
Падазронага затрымалі, калі ён пакідаў тэрыторыю манастыра.
Сваёй віны ён не прызнае.
Мсціслаў Мекта: яшчэ адзін рэцыдывіст рвецца ва ўладу, прыкінуўшыся спецназаўцам-ябацькам15
Каментары