Свет11

Кіраўнік МЗС Германіі распавёў, навошта сустракаўся з Лаўровым і якія тэмы абмяркоўвалі

«З сябрамі не трэба весці перамовы, з праціўнікамі — трэба».

Сяргей Лаўроў і Ёган Вадэфуль. Фота: Michael Kappeler / picture alliance via Getty Images

Міністр замежных спраў Германіі Ёган Вадэфуль нечакана сустрэўся ў Нью-Ёрку з кіраўніком расійскага МЗС Сяргеем Лаўровым. Размова працягвалася каля 20 хвілін. Гэта была першая двухбаковая сустрэча кіраўнікоў МЗС Германіі і Расіі пасля пачатку поўнамаштабнага расійскага ўварвання ва Украіну.

Бакі па-рознаму апісваюць, як удалося арганізаваць размову.

Вадэфуль расказаў у інтэрв’ю Tagesthemen, што пасрэднікамі выступілі прадстаўнікі трэціх краін: «Да мяне звярнуліся шматлікія калегі з іншых краін і паведамілі, што Расія гатовая да размовы». Расійскі бок сцвярджае, што Берлін запытаў яе ў апошні момант.

Вадэфуль патлумачыў, што не хоча пакідаць усе кантакты з Масквой выключна амерыканцам. Пры гэтым ён адхіліў меркаванне, што сустрэча азначае змену нямецкай палітыкі:

«З сябрамі не трэба весці перамовы, з праціўнікамі — трэба. Гэта адзін з асноўных прынцыпаў замежнай палітыкі».

Пра што гаварылі

Паводле кіраўніка нямецкай дыпламатыі, падчас сустрэчы абмеркавалі тры галоўныя тэмы: экспарт украінскага і расійскага збожжа, атаку беспілотніка ў аэрапорце Лейпцыг/Гале і вайну ва Украіне.

Вадэфуль звярнуў увагу на неабходнасць забяспечыць пастаўкі збожжа краінам Глабальнага Поўдня. Паводле яго, Егіпет атрымлівае з Украіны каля траціны неабходнага яму збожжа, а зрыў экспарту стварае пагрозу голаду.

Другой тэмай стаў беспілотнік з выбухоўкай, знойдзены ў жніўні каля ўкраінскага транспартнага самалёта ў аэрапорце Лейпцыг/Гале. Нямецкія ўлады лічаць Расію адказнай за спробу дыверсіі, Масква сваю датычнасць адмаўляе.

«Мяжа была перакрочаная. Мы чакаем, што гэта не паўторыцца, і ў любы момант гатовыя адрэагаваць», — заявіў Вадэфуль.

Ён таксама запэўніў Лаўрова, што падтрымка Украіны з боку Германіі застаецца «цалкам нязменнай», а эканамічны ціск на Расію будзе працягвацца.

У інтэрв’ю ZDF нямецкі міністр асобна падкрэсліў, што не абмяркоўваў з Лаўровым будучыню Украіны без удзелу Кіева:

«Я не вяду перамоў пра Украіну — гэта робяць самі ўкраінцы. Я заклікаю Расію размаўляць з Украінай».

Вадэфуль заявіў, што прапанаваў Лаўрову пайсці на дээскалацыю, але «пакуль не быў пачуты». Паводле яго, Расія цяпер не дэманструе гатоўнасці заняць канструктыўную перамоўную пазіцыю.

Лаўроў таксама заявіў, што сустрэча не прынесла прагрэсу. У размове з агенцтвам DPA ён сказаў:

«Калі паглядзець на штодзённыя публічныя заявы Берліна, я не пачуў нічога іншага».

Паводле Лаўрова, Вадэфуль мог проста патэлефанаваць яму і прапанаваць прачытаць ранейшыя заявы нямецкага ўрада. 

Вадэфуль, нягледзячы на адсутнасць выніку, назваў размову неабходнай:

«Гэта задача міністэрстваў замежных спраў і дыпламатыі — размаўляць нават тады, калі паміж бакамі ёсць фундаментальныя супярэчнасці».

Магчымасць наступных кантактаў, паводле нямецкага міністра, цяпер залежыць найперш ад Масквы: Берлін гатовы працягваць дыялог, калі Расія пачне канструктыўна абмяркоўваць спыненне вайны супраць Украіны.

Каментары1

  • Нейкае непаразуменне
    27.09.2026
    Пачакайце, а дзе фраў фон Байрбок, нашая партнэрка-міністарка, з якой сустракалася Прэзідэнтка Ціханоўская і абмяркоўвала гепалітычную аджэнду? Няўжо і гэты трэк страчаны?

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць