У дыпламатычным прадстаўніцтве напачатку ад каментароў адмаўляліся
Паводле нашай інфармацыі, сёння прыкладна апоўдні ля пасольства Лівіі ў Мінску на вуліцы Беларускай адбыўся цікавы інцыдэнт.
Група грамадзян лівійскай нацыянальнасці прыйшла да пасольства, зладзіла патасоўку, пасля чаго вывесіла ля будынка пасольства гістарычны сцяг Лівіі: чырвона-чорна-зялёны трыкалор.
Кадафі, нагадаем, адмяніў гэты сцяг у пачатку свайго кіравання, замяніўшы зялёным палотнішчам. Гэтымі сцягамі быў расквечаны Мінск падчас візіту сюды Муамара Кадафі. Але вось рэвалюцыя ў Лівіі праходзіць акурат пад трыкалорам.
Журналісты, што прыехалі на месца інцыдэнту, заспелі цішу і спакой ля будынка пасольства. Але ля пасольства лунае чырвона-чорна-зялёны трыкалор.
Супрацоўнік пасольства заявіў, што ніякага інцыдэнту сёння ля сцен дыпламатычнага прадстаўніцтва не было, а трыкалор лунае тут спрадвеку. Таксама ён адмовіўся каментаваць сённяшняе падзенне рэжыму Кадафі ў Трыпалі.
Пазней Еўрарадыё ў пасольстве пацвердзілі, што сцяг сёння быў зменены на гістарычны, але зрабілі гэта яны самі.
Каментары