Крэмль скасоўвае Лукашэнкавы ўказы
Зрэшты, мільярд туды, мільярд сюды – гэта для Масквы драбяза. Разам з тым, расейцы прызнаюць, што панесьлі значныя іміджавыя страты. Піша на сваім блогу Аляксандар Класкоўскі.
Усплываюць новыя падрабязнасьці ўчорашніх перамоваў у Маскве. Расейцы выйгралі яшчэ паўмільярду даляраў. Зрэшты, хто падлічыць іміджавыя страты?
Масква дамаглася пагадненьня пра скасаваньне абмежаваньняў для сваіх кампаніяў у Беларусі.
Іначай кажучы, давядзецца пускаць на наш рынак болей тытуню, піва ды іншага канкурэнтнага тавару з усходу. Зараз бар'еры на шляху гэтых патокаў пастаўленыя шэрагам указаў прэзыдэнта ды пастаноў ураду.
Мясцовым вытворцам будзе несалодка. Але ж некалі трэба адаптавацца да сапраўднай канкурэнцыі, без парасона ў выглядзе бязьмежнага пратэкцыянізму роднага ўраду. Рана ці позна давядзецца гуляць паводле правілаў Усясьветнай гандлёвай арганізацыі.
Зрэшты, мільярд туды, мільярд сюды – гэта для Масквы драбяза. Разам з тым, расейцы прызнаюць, што цягам нафтагазавай вайны панесьлі значныя іміджавыя страты. Таму і мусілі даволі хутка пагадзіцца на кампраміс.
На гэта, бадай, і разьлічвала, ідучы на абвастрэньне, беларускае кіраўніцтва, якому ў сэнсе іміджу на Захадзе страчваць няма чаго. А ў вачох свайго электарату яшчэ і набралі ачкоў.
Увогуле ж гэта мала нагадвала рыцарскі двубой. Хутчэй напрошваецца іншая алегорыя.
Трымайце анэкдот ад Радзіхоўскага!
Каментары