23 жніўня ў Мінску, у выставачным павільёне «Белэкспа» па вуліцы Купалы, 27, адкрыліся спецыялізаваныя выставы-кірмашы «Прывітанне, школа!» і «Нашым дзецям».
На іх прадстаўлены тавары пераважна беларускіх прадпрыемстваў, прычым, улічваючы высокую сацыяльную значнасць выставы-кірмашу «Прывітанне, школа!», НВЦ «Белэкспа» даў максімальныя скідкі экспанентам на выставачную плошчу.
У экспазіцыі прадстаўлены школьна-пісьмовыя прылады, адзенне і абутак, кнігі і навучальныя дапаможнікі, спартыўныя тавары, мэбля для дзіцячых пакояў, сродкі гігіены і касметыкі, іншыя тавары.
Выстава-кірмаш тавараў і паслуг «Нашым дзецям» адрасавана будучым дзецям і іх бацькам. Тут прадстаўлены ўвесь асартымент тавараў для дзяцей да 18 гадоў і іх бацькоў: ад дзіцячых падгузнікаў і калясак, адзення, абутку, цацак да мэблі, гульнёвага і спартыўнага абсталявання. Бацькоў павінны зацікавіць тавары для дзіцячай творчасці, развіццёвыя цацкі, тавары і абсталяванне спартыўнага і гульнёвага прызначэння, а таксама школы ранняга развіцця, курсы замежных моў, творчыя гурткі, спартыўныя секцыі і шмат іншага.
Выставы будуць працаваць па 31 жніўня.
Каментары