Магілёўская Цэнтральная гарадская бібліятэка прапанавала жыхарам горада шляхам галасавання назваць сем найболей прыгожых прыродных мясцін горада.
«Галасаванне ідзе актыўна. Ужо ўзялі ўдзел прыкладна 500 чалавек», — расказала БелаПАН дырэктар Цэнтралізаванай сістэмы дзяржаўных публічных бібліятэк Магілёва Галіна Краўчанка. Паводле папярэдніх вынікаў, найболей прывабнай з прыродных аб’ектаў для жыхароў горада з’яўляецца Палыковіцкая крыніца.
Краўчанка адзначыла, што выбар самай прыгожай мясціны можа быць зроблены як з прапанаваных бібліятэкай, так і з самастойна вызначаных.
Конкурс «Сем цудаў прыроды Магілёва», які завершыцца 1 кастрычніка, з’яўляецца апошнім этапам у праекце «Мы гэтым горадам ахоўваемся».
Першым этапам было галасаванне «Дзесяць творцаў магілёўскай гісторыі». Шляхам маніторынгу грамадскай думкі ў 2009 годзе былі названыя найболей яркія асобы ў гісторыі горада. Тады больш за ўсё галасоў набраў матэматык, географ, геафізік, астраном Ота Шміт, які нарадзіўся ў Магілёве ў 1891 годзе.
На другім этапе, які называўся «Сем цудаў архітэктуры Магілёва», былі вызначаныя найболей цікавыя архітэктурныя збудаванні абласнога цэнтра — будынак драматычнага тэатра, Дом саветаў, ратуша, касцёл Святога Станіслава, Нікольскі праваслаўны манастыр, Буйніцкае поле і вуліца Ленінская.
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы74
Каментары