Трэйдар UBS Квеку Адобалі, якi прынёс банку шкоду ў памеры $2 млрд на несанкцыянаваных угодах, «шкадуе» пра тое, што зрабіў,заявіў яго адвакат Патрык Гібс падчас судовага слухання ў чацвер.
«Ён вельмі шкадуе пра тое, што здарылася», — цытуе словы адваката газета Financial Times.
Кіраўніцтва UBS пакуль не высветліла, у якім падраздзяленні банка зафіксаваныя несанкцыянаваныя аперацыі і калі яны былі зробленыя.
«Гэта можа прывесці да стратаў», — заяўляў банк раней, не ўдакладняючы сумы. Да інцыдэнту аналітыкі прагназавалі чысты прыбытак UBS у памеры $1,5 млрд.
Суд вырашыў пакінуць Адобалі пад арыштам яшчэ на месяц, да вынясення прысуду.
Дадзены інцыдэнт нагадвае праблемы французскага банка Société Générale (SG), які ў 2008 годзе пацярпеў ад несанкцыянаваных гандлёвых аперацый малодшага трэйдара Жэрома Керв’еля. Выніковая сума страт SG дасягнула €4,82 млрд і шакавала фінансавыя рынкі.
Цяпер чытаюць
«Ліпа ва ўсіх сэнсах». Вось як будуць выглядаць дрэвы ў вазонах на галоўным мінскім праспекце. Блогеры атрымалі заданне імі захапляцца3
Каментары