Рэдакцыя «Нашай Нівы» далучаецца да віншаванняў юбіляру.
18 лістапада паэту Анатолю Вярцінскаму спаўняецца 80 гадоў. Анатоль Вярцінскі вядомы паэт, публіцыст, крытык. Ягонаму пяру належаць шматлікія лірычныя зборнікі.
Анатоль Вярцінскі нарадзіўся 18 лістапада 1931 г. у в. Дзямешкава Лепельскага раёна ў сялянскай сям’і. У 1956 скончыў аддзяленне журналістыкі БДУ. Працаваў у раённых газетах. У 1962 перабраўся ў Мінск, працаваў у газеце «Літаратура і мастацтва». Узначальваў яе ў час перамен. Менавіта ў тым «ЛіМе» прагучала першая праўда пра Курапаты і савецкія злачынствы. Вярцінскі быў дэпутатам Вярхоўнага Савета ХІІ склікання.
Глядзі яшчэ: «За каханнем стаіць найперш асноўны інстынкт. Мы, паэты, спрабуем яго узносіць да самых аблокаў…»
Каментары