Ірына Халіп атрымала паштоўку ад Андрэя Саннікава праз два тыдні
Ірына Халіп атрымала паштоўку, якую яе муж,
«Ён адпраўляў яе да майго дня нараджэння, які быў 12 лістапада, — паведаміла Халіп. — Дайшла яна толькі ўчора. Паколькі гэта не ліст, а паштоўка, то ён нічога не піша пра сябе, а піша выключна пажаданні».
Паводле слоў Халіп, муж пажадаў ёй, каб «кашмар апошняга года знік назаўсёды, каб побач са мной былі толькі добрыя людзі, а вырадкі — як мага далей».
Халіп таксама паведаміла, што
па-ранейшаму не мае інфармацыі, у якую калонію і калі будзе пераведзены Саннікаў.
Нагадаем, 16 лістапада стала вядома, што Саннікава этапіравалі з бабруйскай калоніі, аднак куды менавіта, не паведамілі ні сваякам, ні адвакату. Яго жонцы Ірыне Халіп 17 лістапада ўдалося трапіць на прыём да часовага выканаўцы пасады начальніка дэпартамента выканання пакаранняў МУС Сяргея Працэнкі, які пацвердзіў, што Саннікава этапіруюць у іншую калонію ў сувязі з нібыта пагрозай яго небяспецы. Ён таксама паведаміў, што палітыка будуць этапіраваць праз магілёўскую турму ў Віцебскую вобласць. У якой менавіта калоніі Саннікаў будзе адбываць пакаранне, Працэнка не канкрэтызаваў. Аднак адваката Марыну Кавалеўскую, якая дабівалася магчымасці ўбачыць Саннікава, да яго так і не пусцілі.
Цяпер чытаюць
«Як толькі чуюць пра Расію — дык усё… У чым праблема?» У Мінску не хочуць здаваць кватэру чалавеку з расійскім пашпартам9
Каментары