Алея закаханых з’явіцца ў Гомелі вясной 2012 года.Пра гэта паведамілі студэнты Гомельскага дзяржаўнага тэхнічнага ўніверсітэта імя П. Сухога Ганна Кеня і Аляксандр Аплачыкаў, якія сёння прадставілі ў Мінску праект па прасоўванні Гомеля сябрам журы конкурсу, які праводзіцца падчас II Міжнароднага форуму «Імідж Рэспублікі Беларусь: стратэгія развіцця».
Паводле словаў студэнтаў, праект атрымаў падтрымку гомельскіх уладаў. У снежні плануецца абраць архітэктара будучай алеі і распрацаваць план мерапрыемстваў па яе стварэнні. Ужо вядома, што алея будзе размешчаная ў парку Фестывальным, побач з возерам.
Алея закаханых — не адзіная ідэя гомельскіх студэнтаў, накіраваная на паляпшэнне іміджу горада. Так, па Гомельскіх вуліцах ужо ходзіць гістарычны тралейбус: яго выгляд і схема маршруту асацыююцца з савецкім мінулым, а сам кіроўца апрануты ў форму тых часоў. Акрамя таго, у тралейбусе аўдыёгід расказвае пра гісторыю горада.
Цяпер чытаюць
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»18
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары