Хітрыя літоўцы: Для журналіста АНТ Міхальчанкі зрабілі выключэнне
Для журналіста тэлеканала АНТ Аляксея Міхальчанкі, уключанага ў спіс асобаў, якім забаронены ўезд на тэрыторыю Еўрасаюза, было зроблена выключэнне «ў сувязі з важнасцю»
Так крыніца ў МЗС Літвы пракаментавала той факт, што неўязны Міхальчанка акрэдытаваны для асвятлення сесіі СМЗС АБСЕ.
Па словах суразмоўцы, з нагоды Міхальчанкі праводзіліся кансультацыі, па выніках якіх было вырашана дазволіць яму прыехаць у Вільню.
Прадстаўнік МЗС удакладніў: фармуючы спісы неўязных,
ЕС пакідае за сабой права ў выключных выпадках дазваляць уезд на сваю тэрыторыю ўключаным у гэтыя спісы асобам.
Каментары