Мінскага бізнэсмена, які займаўся медыцынскім абсталяваннем, судзяць па трох артыкулах за данаты
Сяргей Юнчыц займаўся пастаўкамі тавараў для стаматалогіі. Цяпер яму пагражае да васьмі гадоў калоніі.
Сяргею Юнчыцу 50 гадоў. Ён нарадзіўся ў невялікай вёсцы Падвосце Жыткавіцкага раёна.
Мужчына з 90-х займаўся бізнэсам.
Пра дату яго затрымання нічога невядома, як і пра сутнасць абвінавачанняў.
Сяргея пачынаюць судзіць 2 кастрычніка 2024 года ў Мінскім абласным судзе. Яму закідаюць тры артыкулы: «фінансаванне экстрэмісцкай дзейнасці» (ч. 1 і ч. 2 арт. 361-2 КК), «садзейнічанне эктрэмісцкай дзейнасці» (ч. 1 і ч. 2 арт. 361-4 КК) і «фінансаванне экстрэмісцкага фарміравання» (арт. 361-2, страціў сілу ў маі 2021 года). Яму пагражае да васьмі гадоў калоніі.
Весці працэс будзе Алена Курганава. З 2023 года яна асудзіла па палітычных крымінальных справах не менш за 13 чалавек.
«Наша Нiва» — бастыён беларушчыны
ПАДТРЫМАЦЬ
Каментары