Як сцвярджае Генштаб Узброеных сіл Украіны, перад ударам туды прыбыў эшалон з іранскімі ракетамі.
Стала вядомая цэль начных удараў беспілотнікамі па тэрыторыі Расіі. Генеральны штаб УСУ заявіў пра паражэнне вайсковага арсенала «Катлубань» у Валгаградскай вобласці.
Аб'ект, як паведамляюць ва УСУ, меў шчыльнае прыкрыццё прыладамі радыёэлектроннай барацьбы і супрацьпаветранай абароны, але баявое заданне было выкананае паспяхова.
Аперацыю правялі Сілы беспілотных сістэм разам з Сіламі спецыяльных аперацый, Галоўным упраўленнем разведкі і Службай бяспекі Украіны.
Нагадаем, што сёння ноччу расійскія рэгіён трапілі пад масіраваную атаку беспілотнікаў. У Мінабароны РФ заявілі пра збіццё 125 БПЛА. Аб прылётах у Катлубані афіцыйнай інфармацыі не было. Губернатар Валгаградскай вобласці заяўляў пра ўзгаранне сухой травы і адсутнасць пацярпелых і пашкоджанняў.
Каментары