Актывісткі руху Femen і беларускія апазіцыянеры, якія знаходзяцца зараз ва Украіне, запісваюць разам відэазварот да беларусаў.
Гэта будзе віншаванне з Новым годам, поўнае сюрпрызаў у адмысловым стылі ўкраінскіх феміністак, распавяла Аляксандра Шаўчэнка.
«Размесціцм яго ва ўсіх даступных нам рэсурсах: у сацыяльных сетках, на нашым сайце, у ЖЖ. Там будуць і цыцкі, і ўкраінскія вянкі, магчыма, будзе зялёнка. Карацей — пабачыце!»
Нагадаем, што актывісткі Femen пагражалі пагаліць і абліць зялёнкай беларускага амбасадара ў Кіеве. Але, кажа Аляксандра, яны далі паслу некалькі спакойных дзён да Новага года. Потым жа сваю пагрозу абавязкова здзейсняць. Дарэчы, сёння феміністкі абмяркоўвалі свае планы на 2012 год. Беларусь у іх займае не апошняе месца. Украінкі паабяцалі вернуцца да нас з новымі акцыямі. Да таго ж, у іх планах — вялікі еўрапейскі тур. І паўсюль яны будуць шукаць прадстаўнікоў афіцыйнага Мінску і там пераследаваць іх з зялёнкай і нажніцамі.
Каментары