Палякова і Няпомняшчых (Гомель) адпусцілі без складання пратакола
Старшыню Гомельскай абласной арганізацыі АГП Васіля Палякова і актывіста партыі Уладзіміра Няпомняшчых адпусцілі вечарам 12 студзеня з АУС Цэнтральнага раёна Гомеля без складання адміністрацыйнага пратакола.
Апазіцыянеры былі затрыманы 12 студзеня прыкладна ў 15.30 супрацоўнікамі спецназу каля рынку «Цэнтральны» ў момант распаўсюджвання інфармацыйных бюлетэняў «Голос разума». Іх прывезлі ў аддзел і склалі пратакол затрымання паводле падазрэння ва ўчыненні правапарушэння, прадугледжанага артыкулам 22.9 КоАП (парушэнне заканадаўства аб друку і СМІ).
Як паведаміўПалякоў, з імі праводзіў разбор і складаў пратакол апытання начальнік аддзела аховы грамадскага парадку Уладзіслаў Шукель. «Я, спаслаўшыся на артыкул 27 Канстытуцыі, адмовіўся ад давання тлумачэнняў.
Шукель пытаўся ў мяне, чаму нас затрымалі. Я шчыра адказаў, што не ведаю, стаялі каля рынку, наляцеў спецназ, і пацягнулі ў аддзел»,— пракаментаваў палітык. Яго трымалі ў аддзеле паўтары гадзіны, Няпомняшчых — прыблізна тры гадзіны.
Палякоў дадаў, што на працягу двух тыдняў міліцыя яшчэ можа выклікаць іх і скласці адміністрацыйны пратакол.
Каментары