Пра гэта былы палітвязень і кандыдат на прэзідэнцкую пасаду ў 2006 г. Аляксандр Казулін заявіў 19 студзеня ў Мінску на паседжанні круглага стала, прысвечанага беларускім палітвязням.
«Сёння ўлады зрабілі ўсё, каб раздушыць не толькі апазіцыю, але і ўласны народ, знішчыўшы асобу як такую. Знішчыўшы гонар, сумленне, годнасць і ўсе святыя рэчы, якія існуюць. І мы, беларусы, гэта прымаем. Што яшчэ трэба зрабіць уладам, каб мы маглі гэта ўсвядоміць і аб’яднацца?» — задаў рытарычнае пытанне Аляксандр Казулін.
Паводле яго, кірунак краіны апошнімі дзесяцігоддзямі змяняецца ў горшы бок, у чым вінаватыя толькі самі беларусы. І пакуль яны таго не ўсведамляюць, палітычная сітуацыя ў дзяржаве не зменіцца, а палітвязні застануцца ў турмах. «Сёння трэба, каб усе палітычныя партыі, рухі, праваабаронцы аб’ядналіся ў Фронт нацыянальнага выратавання — краіна стаіць на краі бездані», — падкрэсліў Казулін.
Актывістка Беларускай хрысціянскай дэмакратыі Юлія Фралова таксама заклікае да аб’яднання. «Нашая мэта — сабраць усіх разам, каб вырашыць, што яшчэ можна зрабіць для палітвязняў. Бо заўсёды можна зрабіць штосьці яшчэ».
Цяпер чытаюць
Што посцяць беларускія селебрыціс, якія апынуліся пад бомбамі і дронамі ў краінах Бліжняга Усходу7
Каментары