Традыцыйна кіраўнік краіны адпачывае некалькі разоў на год.
У Краснай Паляне, што пад Сочы, Лукашэнка меў сустрэчу з Дзмітрыем Мядзведзевым. Гэтак і стала вядома, што кіраўнік краіны выехаўшы.
Напярэдадні пра візіт нічога не паведамлялася.
Аднак пры канцы навіны сціпла адзначаецца: «Аляксандр Лукашэнка спалучыць сваё знаходжанне ў Сочы з кароткатэрміновым адпачынкам».
Як правіла, Лукашэнка сыходзіць у адпачынак некалькі разоў на год, у зімовы і летні перыяд.Каб можна было і на лыжах пакатацца, і ў моры пакупацца.
У жніўні ён ужо адпачываў разам з Колем у сочанскім санаторыі «Белая Русь».Летась Лукашэнка таксама заязджаў у Сочы ў лютым, дзе ўпарта чакаў сустрэчы з расійскім кіраўніцтвам.
Цяпер магчымасці для адпачынку ў Лукашэнкі абмежаваныя постсавецкай прасторай, арабскімі краінамі ды Венесуэлай.У час жа кароткага пацяплення адносінаў з Захадам ён паспеў пакоўзацца на лыжах у Сербіі, Швейцарыі і Аўстрыі.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі5
Каментары