У цэнтры расійскай сталіцы праходзіць аўтамабільная акцыя «За сумленныя выбары», удзельнікі якой пратэстуюць супраць фальсіфікацыі вынікаў нядаўніх думскіх выбараў і патрабуюць сумленнага правядзення прэзідэнцкай кампаніі.
Дзясяткі аўтамабіляў з лозунгамі, белымі стужачкамі і белымі балонікамі рухаюцца па цэнтры Масквы і спрабуюць прайсці па колцавым маршруце вакол Крамля, паведамляе Расійская служба Бі-Бі-Сі.
Аднак паступаюць паведамленні, што маскоўская паліцыя ў некаторых выпадках блакуе рух удзельнікаў дэманстрацыі. У горадзе ўтварыліся заторы.
Між тым, маскоўскія праваахоўныя органы сцвярджаюць, што ў аўтапрабегу прымаюць удзел каля 150 аўтамабіляў, у тым ліку каля 100 машын з сімволікай і яшчэ 50 — без яе.
Дадзеныя аб колькасці удзельнікаў акцыі адрозніваюцца. РИА Новости перадае, што міма будынка агенцтва «за 10 хвілін праехалі каля трох дзясяткаў машын з белымі стужкамі і балонікамі, з налепкамі». Пры гэтым Асашыэйтэд прэс паведамляе пра «сотні» аўтамабіляў, якія прымаюць удзел у аўтапрабегу.
Некаторыя ўдзельнікі апазіцыйнай акцыі таксама паведамляюць пра затрыманні.
Карэспандэнт Расійскай службы Бі-Бі-Сі Кацярына Драбініна бачыла на ўнутраным боку Садовага кальца каля 50 аўтамабіляў з апазіцыйнай сімволікай. Пры гэтым рух на магістралі не быў парушаны.
Па назіраннях нашага карэспандэнта, сярод удзельнікаў аўтапрабегу было нямала ўладальнікаў дарагіх аўтамабіляў прэстыжных марак.
Начны прабег за Пуціна
У ноч з суботы на нядзелю прыхільнікі кандыдата ў прэзідэнты Уладзіміра Пуціна правялі агітацыйны аўтапрабег па Садовым кольцы.
Акцыя пад назвай «аВВтоParty», арганізаваная інтэрнэт-супольнасцю «Сетка прыхільнікаў Пуціна», стала адказам на аналагічнае мерапрыемства «антыпуцінцаў» у канцы студзеня.
Дадзеныя аб колькасці ўдзельнікаў адрозніваюцца. Ініцыятары кажуць аб пяці тысячах, паліцыя аб двух тысячах, карэспандэнты з месца падзей называюць лічбы ад 500 да тысячы машын.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары