Затрыманую ў Мінску здымачную групу Шведскага тэлебачання вызвалілі
Журналістаў вызвалілі праз тры гадзны.
Разам з тэлевізійшчыкамі затрымалі карэспандэнта радыёстанцыі «Русcкая служба новостей» у Беларусі Уладзіміра Чудзянцова і сябра ГА «БАЖ» Іллю Кузняцова, якія суправаджалі групу Sveriges Television (аператара Свена Бергмана, карэспандэнта Олафа Крыстаферсана і прадзюсара Ізабэль Сомэрфельд).
Журналісты планавалі здымкі на плошчы Незалежнасці — інтэрв’ю з удзельнікам адной з «маўклівых» акцый пратэсту Раманам Пратасевічам. Яго таксама затрымалі і даставілі ў РУУС, але ў хуткім часе (18.00) адпусцілі.
«Як толькі пачаліся здымкі, пад’ехаў міні-вэн з міліцыянтамі, нас усіх пасадзілі ў машыну і сказалі, што вязуць для праверкі дакументаў у Маскоўскі РУУС», — распавёў прэс-службе ГА «БАЖ» Ілля Кузняцоў.
Па яго словах, замежныя калегі маюць афіцыйную акрэдытацыю ў Беларусі.
***
Як аведаміў калегам Ілля Кузняцоў, прыблізна а 20-й затрыманых вызвалілі. У іх перапісалі дакументы. а таксама знялі відэазапіс з флэшкі. У Маскоўскім РУУС затрыманыя правялі каля 3 гадзін. Характэрна, што незадоўга да вызвалння дзяжурны РУУС паведаміў намесніку старшыні ГА "БАЖ" Андрэю Бастунцу, што да іх нікога не прывозілі.
Цяпер чытаюць
Кадэбэшнікі тэлефануюць беларусам у эміграцыі праз іх сяброў — чаго хочуць?10
Каментары