Намесніка старшыні Маскоўскага райвыканкама Мінска вінавацяць у татальнай карупцыі
Следчы камітэт заканчвае расследаванне знакавай крымінальнай справы.
У канцы студзеня Следчы камітэт паведаміў пра завядзенне крымінальнай справы ў дачыненні да першага намесніка кіраўніка адміністрацыі Маскоўскага раёна Мінска.
Як паведаміў аддзел інфармацыі і сувязі з грамадскасцю СК, справа была заведзеная па прыкметах злачынства, прадугледжанага ч. 3 арт. 430 (атрыманне хабару) Крымінальнага кодэкса Беларусі.
«Следчыя сцвярджаюць, што чыноўнік неаднаразова атрымліваў хабар ад прадпрымальнікаў, у тым ліку ў буйным памеры, за вырашэнне пытанняў, якія ўваходзяць у яго кампетэнцыю», — растлумачылі ў камітэце.
У СК пакуль не раскрываюць усіх падрабязнасцяў справы, але першыя вынікі расследавання з вельмі наглядна дэманструюць узровень карупцыі ў Адміністрацыі Маскоўскага раёна.
Затрыманы — Дзмітрый Яноўскі, які некалькі гадоў займаў пасаду першага намесніка кіраўніка Адміністрацыі Маскоўскага раёна і курыраваў пытанні эканомікі, гандлю, грамадскага харчавання і бытавога абслугоўвання, занятасці насельніцтва, выплаты заробкаў, прадпрымальніцкай дзейнасці, рэгістрацыі і ліквідацыі суб’ектаў гаспадарання, інвестыцый, сістэмы аховы працы.
Карупцыйная дзейнасць падазраванага, якую яшчэ трэба будзе даказаць у судзе, датычыла ў асноўным прадпрымальніцкай дзейнасці ў раёне.
Следчыя сцвярджаюць, што грошы чыноўніку плацілі літаральна за ўсё.Няважна, чым хацелі займацца на тэрыторыі раёна прадпрымальнікі — ім у любым выпадку трэба было плаціць.
Акрамя эпізодаў з атрыманнем буйных сум за вырашэнне сур’ёзных пытанняў у справе прысутнічаюць дробныя, але вельмі паказальныя карупцыйныя праявы.
Так, паводле дадзеных следства, чыноўнік, які займаў такі высокі пост, не грэбаваў браць з прадпрымальнікаў па 100 даляраў нават за права рэалізацыі ёлак напярэдадні Новага года.Фактычна падазраваны ўсе прадпрымальніцкія пытанні раёна прапускаў праз сваю кішэню. Усе плацілі, хто 100, хто 200 даляраў, а хто і значна вышэйшыя сумы. Карупцыйная справа была пастаўленая на паток.
Самае цікавае, што дадзеная практыка вялася не месяц і не два, а гады. Пра яе было вядома многім, але такая практыка ўсіх задавальняла. Цяпер Следчы камітэт спрабуе разабрацца з гэтай справай і выявіць усіх датычных да карупцыйнай схемы, але поспех расследавання будзе істотна залежаць ад жадання прадпрымальнікаў ісці на кантакт са следствам.
Цяпер чытаюць
Як у галечы співалася радня Лукашэнкі? Малавядомыя факты20
Каментары