У аўторак у Гомелі пагоня за парушальнікам скончылася аварыяй, у выніку якой пацярпелі пешаходы, паведамляе партал Auto.onliner.by. На партале прыводзіцца афіцыйная інфармацыя пра акалічнасці здарэння. Паводле інфармацыі ДАІ, прыблізна ў 17:20 на вуліцы Савецкай кіроўца ВАЗа трэцяй мадэлі не спыніўся па патрабаванні супрацоўнікаў ДАІ. Два экіпажы пачалі пагоню. На скрыжаванні вуліц Свірыдава Агарэнкі кіроўца «Жыгулёў» не спніўся на чырвоны сігнал святлафора і выехаў на паласу сустрэчнага руху. У гэты момант адбылося сутыкненне з Audi 100. Ад удару ВАЗ вынесла на ходнікі, дзе аўто збіла пешаходаў — дзяўчыну і мужчыну. Пацярпелым на месцы аказалі медыцынскую дапамогу і адпусцілі дамоў, аднак мужчыне пазней спатрэбілася шпіталізацыя.
Як высветлілася. У парушальніка не было пры сабе пасведчання кіроўцы і дакументаў на аўто. Цяпер высвятляюцца акалічнасці здарэння, а таксама стан кіроўцы на момант аварыі.
