Народная артыстка Беларусі і па сёння лічыцца найлепшай дыктаркай краіны.
Яшчэ ў мінскай школе выкладчыца сказала Зіне, што тая добра і выразна чытае — і параіла ісці ў драматычны гурток. Пасля школы была тэатральная студыя, затым праца на Гомельскай тэлестудыі — патрапіла ў 20 гадоў па конкурсе.
З 1962 года працавала на Беларускім тэлебачанні, з 1976 года была кіраўніком групы дыктараў. Як любіць адзначаць былы кіраўнік Белдзяржтэлерадыё (1978–1990) Генадзь Бураўкін: «Я асабіста вызначаў, хто будзе працаваць у кадры. Прыклад — Зінаіда Бандарэнка! А паглядзіце, хто цяпер?..».
Зінаіда Аляксандраўна надзвычай добры і чуллівы чалавек. Напрыклад, яе асабістымі намаганнямі і дамоўленасцямі ў мінулым годзе сястры Васіля Быкава Валянціне Уладзіміраўне лекары вярнулі зрок у Мінску. Сёння Зінаіда Бандарэнка працягвае прафесійную дзейнасць — рыхтуе маладую змену на тэлеканале «Белсат».
Цяпер чытаюць
Памерла палітзняволеная Алена Панкова. Паўгода назад яе асудзілі за ўдзел у пратэстах7
Каментары