У 2011 годзе па аўтарскіх правах у Беларусі было выплачана 9,5 млрд. рублёў, што на 40% больш, чым у 2010 годзе. Аб гэтым напрэс-канферэнцыі 25 красавіка паведаміў начальнік цэнтра па калектыўным кіраванні аўтарскімі правамі Нацыянальнага цэнтра інтэлектуальнай уласнасці Аляксей Бічурын.
Ён адзначыў, што за апошнія пяць гадоў такія выплаты ўзраслі ў тры разы. Пры гэтым аўтарскія выплаты ажыццяўляюцца не толькі беларускім, але і замежным праваўладальнікам. У 2011 годзе ім было выплачана ў эквіваленце 2 млрд. 100 млн. рублёў.
Для параўнання: усяго ў свеце ў 2010 годзе арганізацыямі, якія абараняюць аўтарскія правы, было выплачана 7,5 млрд. еўра аўтарскай узнагароды. У Беларусі за гэты перыяд — 1 млн. 600 тыс. еўра, ці 16 еўрацэнтаў на чалавека. «У суседніх дзяржавах гэтыя паказчыкі значна вышэйшыя: у Расіі — 0,5 еўра, у Польшчы — 1,8 еўра. Але разуменне значэння аўтарскага права і яго камерцыялізацыя з цягам часу ўзрастае, усё больш карыстальнікаў заяўляюцца добраахвотна, са многімі даводзіцца весці больш канструктыўны дыялог, пераконваючы заключыць дагавор і выконваць аўтарскія правы», — сказаў эксперт.
Сярод найбольш папулярных аўтараў, якім выплачваюцца ўзнагароды, ён назваў Уладзіміра Пугача, Уладзіміра Кубышкіна, Аляксея Набеева, Максіма Алейнікава, Ігара Лучанка.
Бічурын адзначыў, што цэнтр займаецца абаронай і рэалізацыяй аўтарскіх правоў на музычныя і тэатральныя творы. Паводле яго слоў, на рэгулярнай аснове аўтарскія ўзнагароды адлічваюць 1.200 суб’ектаў гаспадарання, сярод якіх радыёстанцыі, тэлевізійныя каналы, аб’екты грамадскага харчавання і гандлю.
Бічурын таксама паведаміў, што абарона аўтарскіх правоў вырашаецца ў судовым парадку. «Адзін суд з неплацельшчыкам дазваляе потым мець прапагандысцкі эфект. Не скажу, што мы не вылазім з судоў, хаця гэта нармальная практыка для абаронцаў аўтарскіх правоў. На працягу года ў Беларусі праходзіць каля паўсотні спраў. Яны разглядаюцца спецыяльнай калегіяй Вярхоўнага суда», — сказаў эксперт.
-
Пазняк прэзентаваў кнігу «Віленшчына любімая і прыўкрасная». Там ёсць нават вершы па-французску
-
«70% мастакоў у чорных спісах». Мастак Сяргей Грыневіч пасля трыумфу ў Венецыі расказаў пра гады маўчання і пра тое, на якім свеце ён апынуўся
-
У наступную суботу ў Вільні пройдзе Сямейны беларуска-літоўскі фэст з літсцэнай
Цяпер чытаюць
У гадавіну смерці Жанны Фрыске Дзмітрый Шэпелеў распавёў, чаму не дазваляе сыну бачыцца з яе сваякамі15
Каментары