S&P палепшыла прагноз па рэйтынгах чатырох беларускіх банкаў да «стабільнага»
Служба крэдытных рэйтынгаў агенцтва Standard & Poor’s змяніла прагноз па рэйтынгах ААТ «Ашчадны банк «Беларусбанк», ААТ «Белзнешэканамбанк», ААТ«БПС-Ашчадбанк» і ААТ «Белаграпрамбанк» з «негатыўнага» на «стабільны». Адначасова пацверджаны доўгатэрміновы рэйтынг «B-" і кароткатэрміновы рэйтынг «С», раней прысвоеныя ўсім чатыром банкам, гаворыцца ў паведамленні агенцтва.
Рэйтынгавыя дзеянні адбыліся за аналагічным рэйтынгавым дзеяннем у дачыненні да Беларусі (прагноз па рэйтынгах краіны зменены з «негатыўнага» на «стабільны» з прычыны паляпшэння эканамічных паказчыкаў і ліквіднасці; рэйтынгі «В-/С» пацверджаны).
«Змена прагнозу па рэйтынгах чатырох банкаў адлюстроўвае наша меркаванне аб тым, што цяжкасці з прыцягненнем кароткатэрміновага знешняга фінансавання ў беларускую сістэму дзяржаўных фінансаў істотна паменшыліся дзякуючы новым крыніцам фінансавання і прытоку капіталу, найперш з Расіі. Мы адзначаем, што беларуская эканоміка дэманструе прыкметы стабілізацыі ў сувязі з лібералізацыяй валютнага курсу, са зніжэннем інфляцыі і з вяртаннем дэпазітаў у банкаўскую сістэму. Аднак сур’ёзныя дысбалансы ў эканоміцы Беларусі негатыўна адбіваюцца на якасці актываў і ліквіднасці банкаў гэтай краіны. Мы лічым, што ў 2012 і 2013 гг. беларускія банкі будуць адчуваць рызыку далейшага пагаршэння сітуацыі ў гэтых галінах», — адзначылі ў агенцтве.
«Далейшыя рэйтынгавыя дзеянні ў дачыненні да чатырох банкаў могуць быць абумоўлены зменамі суверэнных рэйтынгаў па абавязацельствах у замежнай валюце Беларусі або нашай ацэнкі рызыкі пераводу і канверсавання валюты для беларускіх несуверэнных пазычальнікаў», — удакладнілі ў Standard & Poor’s.
«Таня, мы з табой!» Улады запусцілі флэшмоб у падтрымку жанчыны ў чырвона-зялёным ВІДЭА27
Каментары