Зборную Беларусі па веславаньні затрымалі ва Ўкраіне за незаконнае перасячэньне мяжы
Лёс беларускіх байдарачнікаў і канаістаў вырашыць суворы украінскі суд.
Зборная Беларусі па веславанні затрымана ўкраінскімі пагранічнікамі ў Адэскай вобласці за незаконнае перасячэнне дзяржаўнай мяжы Украіны. Лёс беларускіх байдарачнікаў і канаістаў вырашыць суд, пакуль яны будуць знаходзіцца на пагранзаставе.
Як паведамляе УНІАН са спасылкай на Дзяржаўную пагранічную службу Украіны, 10 беларускіх спартсменаў на васьмі байдарках і адным катэры перасеклі мяжу на Кучурганскім лімане (Днястроўск, Прыднястроўе). Парушальнікі былі заўважаны пагранічным нарадам заставы «Градэніцы» Котаўскага атрада. Затрыманне беларусаў вялося на пагранічным катэры «Брыг».
Байдарачнікі і канаісты з Беларусі паведамілі, што запрошаны прыднястроўскім бокам для падрыхтоўкі да чэмпіянату свету, бо на радзіме трэніравацца няма дзе — лёд на рэках, азёрах і вадаёмах яшчэ не зусім сышоў. Спартсмены таксама прызналіся, што ведалі аб тым, што па Кучурганскім лімане праходзіць дзяржаўная мяжа Украіны, аднак зусім не ўяўлялі, у якім менавіта месцы.
Усяго за апошнія суткі пагранічнікамі было затрымана 43 чалавекі, якія незаконна спрабавалі перасячы мяжу, у тым ліку 10 беларусаў.
Як пазьней паведаміў сайт газэты Прессбол, беларускія спартоўцы адпушчаныя на свабоду. Штраф не ўзялі.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы17
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары