У сваю чаргу, Расія накіравала падмацаванне для абароны свайго глыбакаводнага порта Тартус.
Ваенная аперацыя НАТО ў Сірыі — справа вырашаная, піша ізраільскі партал Debka, блізкі да крыніц у спецслужбах краіны. Такую аперацыю просіць правесці сірыйская ўзброеная апазіцыя.
Як паведамляецца, Вашынгтон, які пачаткова быў супраць, але змяніў пазіцыю пад ціскам Турцыі, Іярданіі і Саудаўскай Аравіі — сваіх блізкаўсходніх саюзніц, якія выступаюць цвёрда супраць алавіцкага рэжыму Асадаў.
Сям’я Асадаў кіруе Сірыяй больш за 40 гадоў, абапіраючыся на расійскую дапамогу. У Сірыі няма свабодных выбараў. Дыктатарскі рэжым Асадаў свецкі і нацыяналістычны, тады як у апазіцыі яму пераважаюць ісламісты.
Мірныя пратэсты з патрабаваннямі пераменаў распачаліся ў Сірыі пад уплывам рэвалюцый у Тунісе, Егіпце і Лівіі. Асады зрэагавалі на гэта звыклымі рэпрэсіўнымі метадамі. Тады пратэсты перараслі ў паўстанне. Цяпер жа міжнародныя назіральнікі называюць сітуацыю ў краіне поўнамаштабнай грамадзянскай вайной.
У суботу назіральнікі ААН паведамілі аб прыпыненні сваёй місіі пасля таго як іх канвоі папалі пад абстрэлы сілаў, лаяльных Асаду, у розных пунктах краіны.
Цяпер чытаюць
Лукашэнка знайшоў незвычайныя словы для спачування Хаменеі: «вераломная атака»1
Каментары