Упершыню ў гісторыі парламенцкіх выбараў кандыдаты ў дэпутаты атрымаюць права ствараць свой уласны фінансавы фонд.
Гэта стала магчымым пасля таго, як сёння Цэнтральная выбарчая камісія ўхваліла адпаведную пастанову.
Аднак карыстанне гэтым фондам абмежаванае. Напрыклад, сам кандыдат у дэпутаты можа несці ў яго не больш за 20 базавых велічыняў. Фізічная асоба, якая падтрымлівае гэтага кандыдата, — не больш за 5 базавых велічыняў (500 тыс. рублёў на сёння), а юрыдычная асоба — не больш за 10 базавых велічыняў (1 млн рублёў).
Ёсьць абмежаванне і на трату грошай. Кандыдат у дэпутаты не можа патраціць болей, чым сто мільёнаў рублёў. «Гэта абмежаваньне зроблена, каб не атрымалася так, што кандыдаты ў дэпутаты падзяліліся б на багатых і бедных», — патлумачыла Ярмошына.
Кожны кандыдат у дэпутаты можа адкрыць толькі адзін рахунак і толькі ў Беларусбанку.
Лідзія Ярмошына сказала, што ўпершыню сістэма асабістых фінансавых фондаў была апрабаваная ў Беларусі ў 2010 годзе падчас прэзідэнцкіх выбараў, аднак з дзесяці кандыдатаў у прэзідэнты гэтай магчымасцю скарысталіся толькі чатыры.
Цяпер чытаюць
Масавыя арышты афіцэраў прайшлі на авіябазе ў Мачулішчах — абвінавачваюць у сувязях з апазіцыяй26
Каментары