Заяву Вярхоўнай прадстаўніцы ЕС па замежных справах і палітыцы бяспекі распаўсюдзіла ў чацвер яе прэс-служба.
У заяве адзначаецца, што Эштан глыбока занепакоеная шматлікімі паведамленнямі пра пераслед прадстаўнікоў грамадзянскай супольнасці, апазіцыі і незалежных СМІ ў Беларусі цягам апошніх тыдняў. Асобна яна згадала шасцімесячны прысуд Васілю Парфянкову і затрыманне журналіста Андрэя Пачобута.
Таксама прадстаўніца ЕС занепакоена апошнімі заканадаўчымі зменамі, накіраванымі на павелічэнне рэпрэсіўных паўнамоцтваў КДБ і абмежаванне незалежнага маніторынгу грамадскай думкі.Яна адзначае, што ўсё гэта адбываецца ў час, калі Беларусь рыхтуецца да парламенцкіх выбараў.
Кэтрын Эштан заклікае беларускія ўлады адмяніць рэпрэсіўную палітыку, а таксама спыніць усе акты пераследу апазіцыі, СМІ і грамадзянскай супольнасці
Каментары