4000 вайскоўцаў прайшлі перад Аляксандрам і Мікалаем Лукашэнкамі.
Фотарэпартаж Сяргея Гудзіліна з параду.
Парад сёлета распачаўся а
10.00
На трыбуне сабраліся кіраўнікі сілавых структур, дзяржаўных органаў. Гледачы размяшчаюцца абапал праспекта Машэрава. Трыбуны пільнуе ланцуг агентаў у цывільным. У Мінску прахалодна: каля 19 градусаў у цяні, пагодна.
«Галоўным святам беларускай дзяржаўнасці» называюць 3 Ліпеня ў тэлетрансляцыі з параду.
Парад мае распачацца а
10.09
Браніраваны «Мэрсэдэс» Аляксандра Лукашэнкі пад’ехаў а 10.06. Аляксандр Лукашэнка выйшаў з яго з сынам Колем і заняў месца на трыбуне. Аляксандр Лукашэнка — у цывільным, хоць у мінулыя гады быў у форме Вярхоўнага галоўнакамандуючага.
А 10.08 на праспект Машэрава выязджаюць дзве парадныя машыны. У іх міністр Жадобін і камандуючы парадам
Каля стэлы сабралася каля 5000 чалавек. Усяго абапал праспекта Машэрава сабралася, па ацэнках нашых рэпарцёраў, каля 20 тысяч чалавек.
10.10
Міністр абароны віншуе ўдзельнікаў параду з Днём Незалежнасці Рэспублікі Беларусь
10.15
«У суверэннай Беларусі забяспечаны мір і стабільнасць». «Развіваецца супраца з нашым галоўным саюзнікам — Расійскай Федэрацыяй». «Свет увесь час трасе», адбываюцца войны і канфлікты, кажа Аляксандр Лукашэнка. «Створана адзіная групоўка войскаў Беларусі і Расіі. Удзел расійскіх вайскоўцаў у парадзе стаў добрай традыцыяй». «Мы ведаем, што цяпер, як правіла, замежныя пагрозы праяўляюцца праз унутраныя крыніцы. Але любыя спробы пасеяць у нашай краіне хаос, ажыццявіць палітычныя перавароты, нейкія каляровыя рэвалюцыі абсалютна бесперспектыўныя». «Мы паказалі ўсяму свету, як трэба бараніць нацыянальныя інтарэсы. Беларусы канчаткова зрабілі свой выбар на карысць сапраўднай незалежнасці, падтрымаўшы палітычны курс дзяржавы». «З Днём Незалежнасці вас, дарагія таварышы, ура!» — так скончыў прамову Аляксандр Лукашэнка.
10.22
Грае гімн Беларусі. Артылерыйскі салют. Вайскоўцы стаяць на зважай. А вось публіка не звыклая трымацца пры гімне: людзі круцяцца, займаюцца справамі.
10.24
Адкрываюць парад барабаншчыкі Мінскай сувораўскай вучэльні.
10.27
Праходзяць расейскія дэсантнікі, за імі — Вайсковая акадэмія, спачатку выкладчыкі, пасля — курсанты. Як заўжды, ідуць бездакорна.
10.28
Ідуць курсанты з Беларускага нацыянальнага тэхнічнага ўніверсітэта, за імі — Рагачоўскай дывізіі. Пасля — проціпаветраная абарона, затым — войскі сувязі.
10.33
На пляц параду выязджае ваенная тэхніка. Спачатку — архіўная тэхніка часоў вайны: танкі і Кацюша. На іх чырвоныя сцягі і надпісы: «Вперед, у победе» і «За нашу советскую Родіну».
Сучасная тэхніка: танкі
Упершыню парадам праехалі сучасныя ўседарожнікі, пастаўленыя Кітаем. Здольныя разіваць хуткасць да 115 км за гадзіну. Рухавікі ў іх магутнасцю, як у танкаў.
Сістэмы залпавага агню «Град», «Смерч» на колавым шасі беларускай вытворчасці.
Баявыя машыны
Самаходная гаўбіца «Гваздзік» на гусенічным шасі, дальнасцю 15 км.
Самаходная гармата «Гіяцынт», дальнасцю да 30 км.
Ракетны комплекс «Кропка», б’е да 120 км.
Ракетны комплекс СПА «Панцыр» — едуць расейскія касмічныя войскі.
ЗРК «Тунгуска» і «Аса», здольная збіваць крылатыя ракеты.
Упершыню на маршы ЗРК СПА «Тор
Комплекс «Бук».
Коля сочыць за парадам разам з татам.
ЗРК
У небе з’яўляюцца верталёты.
Прыгожая трансляцыя падлёту да горада верталётаў і самалётаў з камераў, што стаяць на іх.
Знішчальнікі
Пілатажная група «Белая Русь» на
11.00
Хор Мінабароны выконвае песню
Парад скончаны, пачынаецца пацеха: шэсце спартоўцаў і моладзі ў выглядзе алімпійскага карнавалу. Удзел бяруць 3500 чалавек, у тым ліку
Кветкі Лукашэнку дорыць
Ну ўсё — на роліках выехалі хакеісты.
За імі легкаатлеты і клоўны з літарамі. «Шанс!» — склалі літары ў слова.
Скачуць праз бар’еры. Бегаюць, скачуць у вышыню. Пад цыркавую музыку ўсё.
11.11
Далей — мастацкая гімнастыка.
У парадку відаў спорту ёсць свае законы, у тым ліку палітычныя. Інакш чаго б першым ішоў хакей, дзе вялікіх поспехаў Беларусь не мае?
Валерыя Міхневіч застаецц стаяць на трыбуне.
На заднім плане спартоўцы адзетыя ў буслоў, махаюць імправізаванымі крыламі.
11.16
Прыехалі раварысты на
Каратысты і таэквандысты, некаторыя з шабелькамі, некаторыя ў спарынгах.
Іншыя віды спорту, гучаць цыркавыя і аперэтачныя рытмы.
А вось і лацінамерыканскія рытмы, і перад трыбунай з’яўляюцца дзяўчаты ў купальнікаў і пер’і. За імі — коні з Ратамкі. Яны не прайшлі бясследна, бо пра іх натуральныя патрэбы ніхто не падумаў.
А зараз — «беларуская ваза», з гонарам абвяшчае дыктар. Гэта танцоркі, пасаджаныя на металічную канструкцыю. Дыктар з гордасцю паведамляе, што канструкцыю для вазы вырабілі «на заводзе, дзе вырабляюць касмічныя апараты». Гучыць песня «
11.40
Аляксандр Лукашэнка з Колем абыходзяць шэраг вайскоўцаў. Лукашэнка вітаецца з гэтымі выбранымі афіцэрамі. Коля нудзіцца побач. Бодыгарды Лукашэнкі ўсе ў сонечных акулярах.
Свята скончылася. Леташніх трактара-дзяўчынкі і трактара-хлопчыка не будзе. Мусіць, у іх нарадзілася трактаранятка.
* * *
3 Ліпеня стала афіцыйным святам Днём Незалежнасці (Днём Рэспублікі) пасьля рэферэндуму 1996 года. У 1992–1996 Дзень Незалежнасці адзначаўся 27 ліпеня і быў прымеркаваны да даты прыняцця Вярхоўным Саветам БССР у 1990 годзе Дэкларацыі аб суверэнітэце.
Нацыянальны рух традыцыйна адзначаў як Дзень Незалежнасці 25 Сакавіка, калі ў 1918 годзе была абвешчана незалежнасць Беларускай Народнай Рэспублікі.
Каментары