Кантакт-цэнтр Нацбанка прадаставіць усю інфармацыю грамадзянам і юрыдычным асобам па тэлефоне
Нацыянальны банк Беларусі 9 ліпеня ўводзіць у доследна-прамысловую эксплуатацыю кантакт-цэнтр, які будзе прадастаўляць па тэлефоне даведачную і кансультацыйную інфармацыю фізічным асобам, у тым ліку індывідуальным прадпрымальнікам, і юрыдычным асобам.
Асноўнымі задачамі стварэння кантакт-цэнтра з'яўляюцца цэнтралізацыя і павышэнне якасці апрацоўкі паступаючых тэлефонных запытаў і зваротаў, фарміраванне станоўчага іміджу Нацбанка як цэнтральнага банка і дзяржаўнага органа Рэспублікі Беларусь, павышэнне ўзроўню эканамічнай і фінансавай дасведчанасці насельніцтва краіны.
Пазваніўшы ў кантакт-цэнтр Нацыянальнага банка па тэлефоне ў Мінску (8-017) 306-00-02, можна будзе атрымаць даведачную інфармацыю аб асноўных напрамках дзейнасці банка краіны, ажыццяўляемых аперацыях і адміністрацыйных працэдурах, паслугах, якія аказваюцца, парадку работы са зваротамі грамадзян, індывідуальных прадпрымальнікаў і юрыдычных асоб. Таксама можна пракансультавацца па базавых пытаннях грашова-крэдытнай палітыкі, работы банкаўскай і плацежнай сістэм краіны.
На этапе доследна-прамысловай эксплуатацыі кантакт-цэнтр Нацыянальнага банка будзе працаваць па наступнаму графіку: з панядзелка па чацвер - з 8.30 да 17.30, у пятніцу - з 8.30 да 16.15, субота, нядзеля - выхадныя дні. Па выніках доследна-прамысловай эксплуатацыі будзе прынята рашэнне аб далейшым развіцці кантакт-цэнтра.
Каментары