Як паведамляе сайт Міністэрства адукацыі Беларусі, да ВНУ другога патоку адносяцца вышэйшыя навучальныя ўстановы дзяржаўнай і прыватнай форм уласнасці, за выключэннем ВНУ МУС, МНС, міністэрстваў абароны і культуры.Абітурыенты павінны падаць у ВНУ тры сертыфікаты цэнтралізаванага тэставання або два, калі ў ВНУ будзе праведзены ўнутраны экзамен па прадмеце. Унутраныя экзамены чакаюць абітурыентаў толькі па творчых дысцыплінах (малюнак, музыка, танец, сачыненне і іншых), літаратуры і фізічнай культуры.
Пры паступленні на шэраг спецыяльнасцяў трэба мець спецыяльную рэкамендацыю пасля праходжанняРазмова ідзе пра спецыяльнасці «Дзяржаўнае кіраванне», «Дзяржаўнае кіраванне і права», «Дзяржаўнае кіраванне і эканоміка», «Міжнародныя адносіны», «Міжнароднае права», «Правазнаўства», «Эканамічнае права», «Журналістыка» (у тым ліку, калі яна з’яўляецца дадатковай спецыяльнасцю), «Міжнародная журналістыка» і «Мытная справа».прафесійна-псіхалагічнага сумоўя.
Упершыню сёлета дакументы ў ВНУ могуць падаваць прадстаўнікі непаўналетніх абітурыентаў. У выпадку адсутнасці арыгінала пашпарта абітурыента паказваюцца натарыяльна засведчаныя ксеракопіі старонак пашпарту.
Дакументы можна падаваць да 25 ліпеня, на ваенныя факультэты — па 23 ліпеня.
Залічэнне абітурыентаў у ВНУ па ўсіх формах атрымання адукацыі праводзіцца па конкурсе на аснове агульнай сумы балаў, падлічанай па выніках здачы ўступных выпрабаванняў і сярэдняга бала дакумента аб адукацыі.
Ад абітурыентаў, якія вытрымалі ўступныя выпрабаванні, але не прайшлі па конкурсе на дзённую бюджэтную форму навучання, для ўдзелу ў конкурсе ў гэтай жа ВНУ на завочную і вячэрнюю формы атрымання адукацыі за кошт сродкаў бюджэту (акрамя ВНУ сельскагаспадарчага профілю) дакументы будуць прымацца па 2 жніўня.Ад абітурыентаў, якія вытрымалі ўступныя выпрабаванні, для ўдзелу ў конкурсе на дзённую, завочную і вячэрнюю формы атрымання адукацыі на ўмовах аплаты — па 4 жніўня.
Залічэнне па раздзельным конкурсе абітурыентаў — выпускнікоў гарадскіх сельскіх устаноў адукацыі будзе ажыццяўляцца толькі на бюджэтныя месцы. Залічэнне абітурыентаў на ўмовах аплаты будзе праходзіць па агульным конкурсе.
Прыёмныя камісіі ВНУ ў перыяд прыёму дакументаў будуць працаваць з панядзелка па суботу з 9.00 да 18.00.Калі апошні дзень прыёму дакументаў, здачы ўступных выпрабаванняў або залічэння абітурыентаў выпадзе на нядзелю, прыёмныя камісіі працуюць у гэты дзень з 9.00 да 18.00. Прыёмныя камісіі ВНУ «другога патоку» будуць працаваць у суботы — 21, 28 ліпеня, 4 жніўня, адну нядзелю — 29 ліпеня (для ВНУ, якія ажыццяўляюць правядзенне ўнутраных экзаменаў).
У апошні дзень прыёму дакументаў інфармаванне абітурыентаў аб ходзе прыёму дакументаў спыняецца ў 15.00, допуск абітурыентаў у будынак прыёмнай камісіі — у 18.00.
Каментары