19 жніўня 1991 г. у Маскве ўтварыўся ГКЧП.
19 жніўня 1991 г. у Маскве было абвешчана аб стварэньні гэтак званага “дзяржаўнага камітэту ў справе надзвычайнага становішча” (ГКЧП), мэтай якога было спыніць дэмакратычныя працэсы і сувэрэнізацыю рэспублік СССР.
19.08.2012 12:10
Прэзідэнт СССР Міхаіл Гарбачоў быў незаконна адхілены ад пасады і ўзяты ад хатні арышт у крымскай рэзідэнцыі.
У той жа дзень дэпутаты Апазыцыі БНФ на чале з З. Пазняком абвясьцілі ГКЧП дзяржаўнымі злачынцамі, звярнуліся да дзяржаўных служачых і кіраўнікоў прадпрыемстваў з заклікам не выконваць іх загады і запатрабавалі ад кіраўніцтва Вярхоўнага Савета склікання нечарговай сесіі.
Увечары 19 жніўня БНФ сабраў на сустрэчу з дэпутатамі на плошчу перад Домам ураду некалькі сотняў чалавек; 20-21 жніўня на плошчы збіраліся ўжо тысячы.
У Маскве вакол Белага дома, дзе знаходзіўся прэзідэнт РСФСР Барыс Ельцын, які абвясціў ГКЧП незаконным, сабраліся некалькі дзясяткаў тысяч людзей. У ноч з 20 на 21 жніўня ў выніку супрацьстаяння цывільных грамадзянаў з вайскоўцамі тры чалавекі загінулі. 21 жніўня путчысты пацярпелі паразу.
Да патрабаваньня дэпутатаў Апазіцыі БНФ аб скліканьні сэсіі далучыліся іншыя дэмакратычныя дэпутаты, і сесія была прызначаная на 24 жніўня.
25 жніўня 1991 г. Вярхоўны Савет прыняў прапановы дэпутатаў БНФ і абвясціў Незалежнасць Беларусі, надаўшы Дэкларацыі аб дзяржаўным суверэнітэце статус канстытуцыйнага закону. Дзейнасьць КПБ-КПСС і ЛКСМБ была спыненая.
-
Трагедыя Чорнай царквы. Як у 1920‑я навукоўцы спрабавалі ўратаваць помнікі БССР ад пралетарыяў
-
Ядзерны рэактар пад Мінскам, які ўзводзілі жыхары Прыпяці. Гісторыя АЦЭЦ у Дружным, якую ўратаваў і пахаваў Чарнобыль
-
Атамныя мары Савецкай Беларусі: Браслаў, Віцебск, Лукомль ці Палессе? Чаму на Беларусі так і не з’явілася маштабная сетка АЭС
Цяпер чытаюць
Былы беларускі міліцыянер шукае «пародзістую прыгажуню». Называе сябе мільянерам, а сам судзіцца з былой жонкай за аліменты6
Каментары