Як паведамілі ў Міністэрстве аховы здароўя, колькасць выпадкаў атручвання грыбамі вырасла з надыходам грыбнога сезона. Найбольшая колькасць пацярпелых зарэгістравана ў Мінску — 36 чалавек.Выпадкі са смяротным зыходам адзначаліся ў Мінску, Гомельскай і Гродзенскай абласцях.
Нагадаем, за ўвесь 2011 год у Беларусі ад атручвання грыбамі пацярпела 147 чалавек, двое памерла.
Як адзначаюць у міністэрстве, прычына атручванняў — няведанне відавага саставу грыбоў, ігнараванне правіл іх збору і гатавання.
У Міністэрстве аховы здароўя нагадваюць, што атручванні грыбамі маюць характэрныя прыкметы.Захворванне, як правіла, пачынаецца раптоўна, праз 3–12 гадзін пасля ўжывання грыбоў. Першыя сімптомы — рэзкі боль у жываце, нястрымныя рвота, панос, слабасць, галаўны боль. У далейшым могуць далучацца такія сімптомы, як сутаргі, галюцынацыі, трызненне. Смяротнасць пры атручванні неядомымі грыбамі дасягае 25–50%.
Пры гэтым спецыялісты адзначаюць, што атручванне можа настаць не толькі ад ужывання атрутных па сваёй прыродзе грыбоў, але і адДаумоўна-ядомых , калі не выконваць асноўныя правілы іх гатавання.
Міністэрства аховы здароўя нагадвае, што ў лесе трэба збіраць толькі заведама ядомыя грыбы, адразу іх перабіраць і сартаваць, выкідваючы старыя. Не рэкамендуецца купляць грыбы ў месцах несанкцыянаванага гандлю. Пласціністыя грыбы неабходна купляць толькі з ножкамі, каб, напрыклад, ідэнтыфікаваць бледную паганку, якая мае клубнепадобнае патаўшчэнне ножкі «каўнерык».
Усе грыбы неабходна адварваць, а адвар зліваць.
Грыбы нельга ўжываць дзецям да трох гадоў, а таксама людзям з хваробамі печані і абмену рэчываў.
Пры з’яўленні першых сімптомаў атручвання грыбамі неабходна неадкладна звяртацца па медыцынскую дапамогу.
Цяпер чытаюць
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч11
Каментары