Мінбудархітэктуры: Арэндную кватэру можна будзе атрымаць на ўсё жыццё і перадаць у спадчыну
Арэнднае жыллё, якое даецца чаргавікам па цэнах, у паўтара-два разы ніжэйшых за сярэднерынкавыя, павіннае з часам стаць альтэрнатывай льготнаму крэдытаванню.
Як будзе развівацца гэты новы для Беларусі механізм дзяржпадтрымкі? Пра гэта падчас «круглага стала» ў газеце «Рэспублiка» расказаў начальнік упраўлення жыллёвай палітыкі Міністэрства архітэктуры і будаўніцтва Аляксандр Горваль. З яго словаў, атрымаць арэндную кватэру можна будзе на неабмежаваны тэрмін. Але ў такім выпадку чалавек будзе выкраслены са спісу чаргавікоў.
«Калі супаставіць цэны на арэнднае жыллё з коштам будаўніцтва кватэр нават па льготных крэдытах, атрымліваецца, што першае значна больш даступнае, — адзначае Аляксандр Горваль. —
Ёсць цэлая група насельніцтва, якая не можа пабудаваць сваё жыллё нават па льготным крэдыце, не кажучы пра камерцыйны. Арэнднае жыллё вырашыла б кватэрнае пытанне для такіх людзей.Яны маглі б сысці са спісу чаргавікоў, атрымаць арэнднае жыллё і жыць там усё жыццё. Сістэма там вельмі лаяльная: пастаянная пралангацыя арэнды, калі няма парушэнняў парадку карыстання памяшканнем. Дзеці могуць працягваць арандаваць — працэс бясконцы».
Згодна з канцэпцыяй жыллёвай палітыкі, будавацца арэнднае жыллё ў Беларусі будзе дынамічна: 110 тысяч кв.м у 2013 годзе, 180 — у
«Аб’ёмы пакажа практыка. Мы пакуль гаворым пра той аб’ём арэнднага жылля, калі не ацэненая нават лінія паводзінаў насельніцтва, — кажа Горваль. — Ёсць яшчэ адзін момант: неабходны час, каб людзі прывыклі да таго, што ёсць такая сістэма. Прыклад з асабістага досведу. Калі прымаеш грамадзян, прапануеш ім арэнднае жыллё, у адказ чуеш: „Ну не, арэнда мне не падыходзіць: што я сваім дзецям пакіну?“
Гады, цягам якіх мы даказвалі, што неабходна быць уласнікам жылля, наклалі свой адбітак. Цяпер патрэбныя гады, каб пераканаць людзей у адваротным.Гэта працэс інерцыйны».
Са словаў Аляксандра Горваля, прыцягненне прыватнага інвестара падчас будаўніцтва арэндных дамоў — найбліжэйшая перспектыва Беларусі. Разам з тым спецыяліст адзначае: тэрмін акупнасці арэндных дамоў даволі працяглы — 25–30 гадоў, а большасць прыватных будаўнічых кампаній Беларусі сёння не маюць дастатковага ўласнага капіталу для будаўніцтва арэнднага жылля пад ключ.
Каментары